ပင်လုံလို ညီလာခံခေါ်ယူဖို့ တိုင်းရင်းသားတွေ တိုက်တွန်း

ကိုမိုးဇော် | September 17, 2012 | VOA
 မြန်မာနိုင်ငံမှာ ငြိမ်းချမ်းရေး ရရှိဖို့အတွက် ပင်လုံလို ညီလာခံကြီးတရပ် ကျင်းပပြီး ဆွေးနွေးအဖြေရှာမယ် ဆိုရင် ညီလာခံ ဖြစ်မြောက်ရေး အတွက် ညှိနှိုင်းစဉ်ကာလတည်းက တိုင်းရင်းသား လူမျိုးစုတွေ ပါဝင်ခွင့်ရဖို့ လိုအပ်ကြောင်း တိုင်းရင်းသားလူမျိုးများ ညီလာခံအပြီးမှာ ထုတ်ပြန် လိုက်ပါတယ်။ တနင်္ဂနွေနေ့ ညနေပိုင်းက ပြီးဆုံးသွားတဲ့ တိုင်းရင်းသားလူမျိုးများ ညီလာခံက နိုင်ငံရေးဆိုင်ရာ လုပ်ငန်းစဉ် ၆ ချက်ကိုလည်း ထုတ်ပြန်ခဲ့ပါတယ်။ ဒါဟာ နိုင်ငံတော်သမ္မတ က ထုတ်ပြန်ခဲ့တဲ့ ငြိမ်းချမ်းရေး ဆွေးနွေးရေး လုပ်ငန်းစဉ် ၈ ချက်မှာ သဘောမတူညီတဲ့ အချက်တွေ ပါဝင်တာကြောင့်လို့ ဆိုပါတယ်။ ဒီသတင်းအပြည့် အစုံကိုတော့ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

ထိုင်းနိုင်ငံ၊ ချင်းမိုင်မြို့မှာ ၃ ရက်ကြာ ကျင်းပခဲ့တဲ့ တိုင်းရင်းသား လူမျိုးများ ညီလာခံကို ပြည်တွင်းက တိုင်းရင်းသားပါတီ တချို့နဲ့ နယ်စပ်ဒေသ အခြေစိုက် တိုင်းရင်းသား လက်နက်ကိုင်အဖွဲ့ ၁၉ ဖွဲ့က ကိုယ်စားလှယ် စုစုပေါင်း ၁၃၀ လောက် တက်ရောက်ခဲ့ပြီးတဲ့နောက် ဆွေးနွေး ဆုံးဖြတ်ခဲ့ကြတာဖြစ်ပါတယ်။ ဒီဆုံးဖြတ်ချက်ထဲမှာ မြန်မာပြည်က နိုင်ငံရေးပြဿနာကို ဆွေးနွေးအဖြေရှာမယ့် ပင်လုံလို ညီလာခံကြီးတရပ် ကျင်းပမယ်ဆိုရင် သူတို့လိုလားတဲ့ အချက်တွေကို ညီလာခံရဲ့ ပြောရေးဆိုခွင့်ရှိသူ ပအိုဝ်းအမျိုးသား လွတ်မြောက်ရေးအဖွဲချုပ် ဥက္ကဋ္ဌ ဦးခွန်ဥက္ကာက အခုလို ပြောပါတယ်။ “ပင်လုံကဲ့သို့ ညီလာခံမျိုး လုပ်ဖို့ ကျနော်တို့ဘက်မှာလည်း မူအားဖြင့်တော့ ပြင်ဆင်မှု ရှိတယ်။ အထူးသဖြင့်တော့ အဲလို ညီလာခံမျိုး စလုပ်မယ်ဆိုပြီးတော့ အကြို ညှိနှိုင်းပွဲ စလုပ်ကတည်းက ကျနော်တို့ ပါဝင်ဖို့ လိုတယ်။ အစိုးရဘက်က၊ နောက် ငြိမ်းချမ်းရေး ကော်မတီဘက်က လူနဲ့ပဲ လုပ်ထားပြီးတော့မှ မင်းတို့လာလို့ ခေါ်တာကတော့ မကောင်းဘူး။ မလုပ်သင့်ဘူး။ ဒါကြောင့် အကြိုညှိနှိုင်းပွဲ အဆင့်ဆင့် လုပ်သွားပြီးတော့မှ နောက်ဆုံး အဲဒီလို ညီလာခံမျိုး ကျင်းပရေး ကော်မတီအထိ ပါဝင်ချင်တယ်။ သူတို့က လူတွေ ရွေးထားပြီးတော့ ထိုင်၊ မင်းတို့လာထိုင် ဆိုရင် ဟိုအရင် လုပ်ခဲ့တဲ့ ညောင်နှစ်ပင်ညီလာခံ ပုံစံမျိုးကိုတော့ လက်ခံမှာ မဟုတ်ဘူး။” ဒီလိုညီလာခံ ကျင်းပမယ်ဆိုရင် အစိုးရ၊ စစ်တပ်၊ ဒီမိုကရေစီအင်အားစု၊ တိုင်းရင်းသား အင်အားစုတွေ အားလုံး ပါဝင်ပြီး ပြည်ထောင်စု တရပ်လုံးက သဘောတူညီမှုရတဲ့အထိ ဆွေးနွေးဖို့ကို လိုလားတယ်လို့ ပြောပါတယ်။ ဆွေးနွေးတဲ့အခါမှာ နိုင်ငံရေး လုပ်ငန်းစဉ် ၆ ချက်ကိုလည်း ထည့်သွင်း ဆွေးနွေးဖို့အတွက် တိုင်းရင်းသား လူမျိုးများ ညီလာခံက ချမှတ်ခဲ့ပါတယ်။ ဒီအချက်တွေကို ချမှတ်တာကတော့ နိုင်ငံတော် သမ္မတက ထုတ်ပြန် ခဲ့တဲ့ ငြိမ်းချမ်းရေးဆွေးနွေးရေး လုပ်ငန်းစဉ် ၈ ချက်မှာ သဘောမတူညီတဲ့ အချက်တွေ ပါဝင်တာကြောင့် ဖြစ်တယ်လို့ ဆိုပါတယ်။ “အခုမြန်မာပြည်မှာ ငြိမ်းချမ်းရေး လိုတယ်။ တိုင်းရင်းသားတွေ ကလည်း အဓိက လိုချင်တယ်။ ငြိမ်းချမ်းရေးကို ချဉ်းကပ်တဲ့ အခါကျတော့ သမ္မတကြီး ဦးသိန်းစိန်က ပြည်နယ်အဆင့်မှာ အချက် ၄ ချက်၊ ၅ ချက် သတ်မှတ်ပေးတယ်။ ပြည်ထောင်စုအဆင့်နဲ့ နိုင်ငံရေး ဆွေးနွေးမယ်ဆိုရင် ၈ ချက် သတ်မှတ်ပေးတယ်။ ဒီအချက် ၈ ချက်က ကျနော်တို့ဘက်က ကြည့်ရင် ကျနော်တို့နဲ့ တိုင်ပင် ဆွေးနွေးတာလည်း မပါဘူး။ နောက် အထက်ကနေ အောက်ကို ချပေးတဲ့ ကိစ္စဖြစ်နေတော့ ကျနော်တို့ လိုလားချက်နဲ့ တူညီမှုမရှိတာ တွေ့ရတယ်။ အဲဒီ ၈ ချက်အတိုင်း ကျနော်တို့က လိုက်နာလုပ်ဆောင်လို့ မဖြစ်ဘူး။ ညှိနှိုင်းဖို့လိုတယ်။ ဒါကြောင့် ကျနော်တို့ရဲ့ လမ်းပြမြေပုံပဲ ခေါ်ခေါ်ပေါ့။ အစီအစဉ် agenda ပဲခေါ်ခေါ်ပေါ့။ ၆ ချက်။ အဲဒါကို ပြန်ပြင်ဆင်ပြီးတော့ ကျနော်တို့မှာလည်း ၆ ချက်ရှိပါတယ် ခင်ဗျား။ သမ္မတကြီး ၈ ချက်ကိုလည်း ကျနော်တို့ ဆွေးနွေးမယ်။ ကျနော်တို့ ၆ ချက်ကိုလည်း သမ္မတကြီး ဆွေးနွေးပါ။ အပြန်အလှန် ဒီအစီအစဉ် ၂ ခုကို ညှိတာနဲ့၊ agenda ညှိတာနဲ့ ကျနော်တို့က နိုင်ငံရေးဆွေးနွေးပွဲရဲ့ အစပျိုးတဲ့ ခြေလှမ်းဖြစ်သွားမယ် ဆိုပြီးတော့ ဒီညီလာခံကနေပြီးတော့ ညွှန်ကြားတာပေါ့ဗျာ။ အဲဒါကို ကျနော်တို့က ဆက်လုပ်ဖို့ ရှိပါတယ်။” နိုင်ငံတော်သမ္မတ ဦးသိန်းစိန်က ပြည်ထောင်စုအဆင့် ငြိမ်းချမ်းရေးဆွေးနွေးမယ့် အချက် ၈ ချက်မှာ လက်နက်ကိုင်အဖွဲ့တွေက ပါတီထူထောင်ရေး၊ ဖွဲ့စည်းပုံ အခြေခံဥပဒေကို လက်ခံရေးနဲ့ ဖွဲ့စည်းပုံကို ပြင်ဆင် လိုပါက လွှတ်တော်ထဲကို ၀င်ရောက်ပြီး အများဆန္ဒနဲ့ ဆောင်ရွက်ရေး ဆိုတာနဲ့ ဖွဲ့စည်းပုံနဲ့အညီ တခုတည်းသော လက်နက်ကိုင်အဖွဲ့အဖြစ် အသွင်ကူးပြောင်းရေး ဆိုတဲ့ အချက်တွေဟာ သဘောမတူနိုင်တဲ့ အချက်တွေဖြစ်တယ် လို့ ဆိုပါတယ်။ တိုင်းရင်းသားညီလာခံက ချမှတ်တဲ့ အချက် ၆ ချက်မှာတော့ တိုင်းရင်းသား လက်နက်ကိုင် အဖွဲ့တွေ၊ နိုင်ငံရေး ပါတီတွေ၊ အမျိုးသမီးနဲ့ လူငယ်စတဲ့ လူမှုအခြေပြု အဖွဲ့အစည်းတွေ ပါဝင်ဆွေးနွေးပြီး နိုင်ငံရေး ဆွေးနွေးပွဲဆိုင်ရာ မူဘောင်များ ချမှတ်ဖို့၊ ချမှတ်တဲ့ အချက်တွေကို အစိုးရကိုယ်စားလှယ်များနဲ့ ဆွေးနွေးဖို့၊ ဒီမူဘောင် သဘောထားတွေကို ပြည်နယ်နဲ့ တိုင်းဒေသအလိုက် ရှင်းလင်း ညှိနှိုင်း သဘောထား ရယူသွားဖို့နဲ့ နောက်မှာ ပင်လုံလို ညီလာခံကြီးတရပ် ခေါ်ယူသွားဖို့ ဆိုတဲ့ အချက်တွေ ပါဝင်ပါတယ်။ တိုင်းရင်းသားလူမျိုးညီလာခံရဲ့ ပြောရေးဆိုခွင့်ရှိသူ ရခိုင်ပြည်လွတ်မြောက်ရေးပါတီရဲ့ အထွေထွေ အတွင်းရေးမှူး ဒေါ်စောမြရာဇာလင်း ကတော့ ညီလာခံရဲ့ လုပ်ငန်းစဉ် ၆ ချက်ကို ပြည်တွင်းမှာ ရှင်းလင်းတင်ပြနိုင်ဖို့အတွက် အစိုးရနဲ့ နားလည်မှုရဖို့ လိုအပ်တယ်လို့ ပြောပါတယ်။ “အခု ကျမတို့ ချမှတ်ထားတဲ့ လုပ်ငန်းစဉ်တွေအပေါ်မှာ အစိုးရနဲ့ တစုံတရာ နားလည်မှုရအောင်လို့ ကြိုတင်ပြီးတော့ လုပ်ရမယ်။ ဒီနားလည်မှု ရလာတဲ့အခါမှာ ကျမတို့တတွေကို ပြည်တွင်းထဲမှာ လွတ်လွတ်လပ်လပ် သွားလာခွင့်ရအောင်လည်း ခွင့်ပြုရမှာပေါ့။ အဲလို ခွင့်ပြုချက်တွေ ရလာလို့ရှိရင် တရားမ၀င်တဲ့ အဖွဲ့အစည်းတွေနဲ့ ဆက်စပ်ဆောင်ရွက်တယ် ဆိုတဲ့ အပေါ်မှာ ပြည်သူလူထုတွေ အနှောက်အယှက် ဖြစ်စေတာမျိုး မဖြစ်ရအောင် ဆိုတဲ့အချက်တွေလည်း ကျမတို့တွေက ဆွေးနွေးတဲ့အခါမှာ ဆွေးနွေးရမယ့် အချက်တွေ ရှိပါတယ်။ ပြီးပြီးမှပဲ ကျမတို့တွေက ပြည်တွင်းထဲမှာ လွတ်လွတ်လပ်လပ် ဆွေးနွေးရလိမ့်မယ်လို့ လုပ်နိုင်လိမ့်မယ်လို့ ကျမအနေနဲ့ မျှော်လင့်ပါတယ်။ ဒီညီလာခံကလည်း အဲလိုပဲ သုံးသပ်ပါတယ်။” ပင်လုံလို တိုင်းရင်းသားအင်အားစုတွေ နိုင်ငံရေး အင်အားစုတွေ ပါဝင်တဲ့ ညီလာခံကြီးကိုတော့ ၃ နှစ်လောက် အချိန်ယူ ပြင်ဆင်ဖို့ လိုကောင်းလိုမယ် လို့လည်း ဦးခွန်ဥက္ကာက ခန့်မှန်းထားပါတယ်။ မြန်မာအစိုးရရဲ့ ငြိမ်းချမ်းရေး ဖော်ဆောင်ရေး လုပ်ငန်းကော်မတီအဖွဲ့ရဲ့ ဒုဥက္ကဋ္ဌ၊ လက်ရှိသမ္မတရုံး ၀န်ကြီး ဦးအောင်မင်း ကလည်း မြန်မာပြည်ရဲ့ နိုင်ငံရေးပြဿနာတွေ ဖြေရှင်းဖို့အတွက် ပင်လုံလို ညီလာခံကြီးတရပ် ကျင်းပဖို့ကို တိုင်းရင်းသား လက်နက်ကိုင် အဖွဲ့တွေနဲ့ ဆွေးနွေးစဉ်မှာ ပြောဆို ထားတာ ဖြစ်ပါတယ်။ from Taunggyi Time

ဆက်ဖတ်ရန်...

RCSS/SSA က PNLO တပ်ဖွဲ့ကို လမ်းခုလတ်တွင် ခြုံခိုတိုက်ခိုက်

ချင်းမိုင် (တောင်ကြီးတိုင်းမ်) ။ ။ စက်တင်ဘာလ ၁၃ ရက် ၂၀၁၂ ခုနှစ် နံနက် ၁၁ နာရီ ၁၅ မိနစ်အချိန်တွင် မောက်မယ်မြို့နယ် ကန်တူးကြီးဒေသရှိ နားဟီးရွာမှ နမ်းပတက်ရွာသို့ စားနပ်ရိက္ခာ သယ်ဆောင်သည့် ပအိုဝ်းအမျိုးသားလွတ်မြောက်ရေးအဖွဲ့ချုပ်-PNLO တပ်ဖွဲ့ကို ရှမ်းပြည် တပ်မတော် တောင်ပိုင်း (RCSS/SSA-S) က လမ်းခုလတ်တွင် ခြုံခိုတိုက်ခိုက်ခဲ့တယ်လို့ သိရတယ်။ ထိုတိုက်ပွဲမှာ မိနစ် ၃၀ ခန့်ကြာ အပြန်အလှန်တိုက်ခိုက်ကြပြီး PNLO ဘက်က ထိခိုက်ဒဏ်ရာ ရရှိခြင်း မရှိခဲ့သော်လည်း RCSS/SSA ဘက်က ထိခိုက်ဒဏ်ရာ ရရှိမှု ရှိမရှိ မသိရသေးပေ။

“RCSS/SSA က အစိုးရနဲ့ အပစ်အခတ်ရပ်စဲရေး လက်မှတ်ရေးထိုးပြီးနောက်မှာ ဝ တပ်ဖွဲ့နဲ့ ပြသနာတက်တယ်။ လားဟူပြည်သူ့စစ်နဲ့ ပြသနာတက်တယ်။ အစိုးရတပ်နဲ့လဲ ပြသာနာ တက်တယ်။ SSS ပြည်သူ့စစ်နဲ့လဲ ပြသနာတက်တယ်။ အခုနောက်ဆုံး ကျနော်တို့ PNLO တပ်ဖွဲ့ပါ ပြသနာရှာလာတယ်ဆိုတာ RCSS/SSA က ဘယ်လိုမျိုးတပ်လည်းတော့ နားမလည်တော့ဘူး။” လို့ PNLO တပ်မှူးက ပြောတယ်။ PNLO တပ်သည် လွန်ခဲ့သည့် သြဂုတ်လ ၂၅ ရက်နေ့တွင် ရှမ်းပြည်နယ်အစိုးရနှင့် ပြည်နယ်အဆင့် အပစ်အခတ်ရပ်စဲရေး သဘောတူ လက်မှတ်ရေးထိုးခဲ့ပြီး လာမည့်အောက်တိုဘာလတွင်းတွင် ပြည်ထောင်စုအဆင့်ဆက်ဆွေးနွေးရန်အတွက် ဆွေးနွေးမည့် ခေါင်းစဉ် (၈)ခုကို ကြိုတင်ညှိနိုင်းသဘောတူ လက်မှတ်ရေးထိုးထားသည်။

 FromTaunggyi Times

ဆက်ဖတ်ရန်...

PNLO နဲ့ ငြိမ်းချမ်းရေး ဖော်ဆောင်ရေးအဖွဲ့ အပစ်အခတ်ရပ်စဲမည်

၂၀.သြဂုတ်လ.၂၀၁၂။ (ခွန်မြတ်)

သမ္မတ ဦးသိန်းစိန် အစိုးရရဲ့ ငြိမ်းချမ်းရေး ဖေါ်ဆောင်ရေးအဖွဲ့နဲ့ ပဏာမအဆင့် ညှိုနှိုင်းချက်အရ PNLOနှင့် အစိုးရတို့အကြား ပဏာမအဆင့် အပစ်အခတ်ရပ်စဲရေး သဘောတူညီချက်ကို လာမည့် ၂၃မှ ၂၆ရက်နေ့အတွင်း သဘောတူ  လက်မှတ်ရေးထိုးနိုင်ရေးအတွက် ဆွေးနွေးပြုလုပ် သွားမည်ဖြစ်သည်။

ဤအကြောင်း အရာတွေနဲ့ ပတ်သက်လို့ PNLO ဥက္ကဋ္ဌ ဗိုလ်မှူးကြီး ခွန်ဥက္ကာ အခုလို ပြောပါတယ်။

 "PNLO မှလည်းနှစ်ဦးနှစ်ဘက် သဘောတူလက်မှတ်ရေးထိုးနိုင်ရေး စည်းကမ်းချက်များ ကို ရေးဆွဲပြီး ဆွေးနွေးသွား မှာ ဖြစ်ပါတယ်။ ဒီအချက်တွေကိုလည်း သူ့ဘက်ကိုယ့်ဘက် စားပွဲပေါ် တင်ပြီး  ဆွေးနွေးညှိနှိုင်းပြီးမှ သဘောတူညီချက်တွေဖြစ်လာကြမှာဖြစ်ပါတယ်"

PNLO ရဲ့ ငြိမ်းချမ်းရေး ကိုယ်စားလှယ် အဖွဲ့ခေါင်းဆောင် ဦးခွန်မြင့်ထွန်းနှင့် အဖွဲ့သည် အစိုးရ၏ ငြိမ်းချမ်းရေး ဖေါ်ဆောင်ရေး အဖွဲ့နှင့် ရန်ကုန်မြို့တွင် အလွတ်သဘော တွေ့ဆုံခဲ့ပါသည်။ ပြီးနောက် ရှမ်းပြည်တောင်ပိုင်း ဒေသမှ ပအိုဝ်းတိုင်းရင်းသားခေါင်းဆောင်များ၊ ရဟန်း သံဃာတော်ကြီးများ၊ ပအိုဝ်းလူထုအခြေပြု အဖွဲ့များ၊ ပအိုဝ်းလူငယ် ကွန်ရက်များ၊ မွန်ပြည်နယ် သထုံရှိ ရဟန်းသံဃာတော်များ၊ ပအိုဝ်းလူမှုအဖွဲ့အစည်းများ၊ ပအိုဝ်းမျိုးချစ်များ၊ သထုံအန်အယ်လ်ဒီ အဖွဲ့များကို လွန်ခဲ့သည့် ဇူလိုင်လ- ၂၁မှ ၃၀-ရက်နေ့ အထိ အစိုးရ၏ စီစဉ်ပေးမှုဖြင့် ပြည်တွင်းလေ့လာရေးခရီးစဉ်ကို သွားရောက်လေ့ လာတွေ့ဆုံခဲ့ပါသည်။

ဆက်ဖတ်ရန်...

တစ်သောင်းတန်တဲ့

ဒီနေ့မနက် MRTV-4 ကနေ ငွေကျပ်တစ်သောင်းတန် ထွက်မည့်အကြောင်း ကြေငြာသွားပါတယ်။ ရုံးရောက်တော့ မေးလ်ထဲကိုဝင်ထားတဲ့ ဆရာခင်မောင်ညို(ဘောဂဗေဒ)ရဲ့ အမြင်လေးကို ပြန်လည်မျှဝေပေးလိုက်ပါတယ်။
၁။ ငါးထောင်ကျပ်တန် မထွက်မီနှင့် ထွက်ပြီးချိန်ကလည်း ဈေးနှုန်းများ တက်မည်၊ ငွေဖောင်းပွမှု မြင့်မားမည်ဟု တွက်ဆခဲ့ကြသော်လည်း မဖြစ်ခဲ့ပါ။ ငါးထောင်တန်သည် ပြည်သူလူထုAထူးသဖြင့် Aခြေခံလူတန်းစားAတွင်းသို့ ပျံ့နှံ့ရောက်ရှိမှု နည်းပါးသဖြင့် Aချိန်Aတန် ကြာသည်Aထိ ငါးထောင်ကျပ်တန်ကို မမြင်ဖူးသူများ ရှိခဲ့သကဲ့သို့ ငါးထောင်တန်ကို မိတ္တူကူးပြီး လိမ်လည်သူများ ရှိခဲ့ပါသည်။

၂။ တစ်သောင်းကျပ်တန် ထွက်သည်ကို Aကြောင်းပြု၍ Aထွေထွေ ဈေးနှုန်းများ တက်မည်၊ ငွေဖောင်းပွမှု မြင့်မားလာမည်ဟု မျှော်လင့်ကြပါUီးမည်။ ဈေးကစားမှုများလည်း Aတန်Aသင့် ရှိနိုင်ပါသည်။ ၃။ လက်ရှိAခြေAနေတွင် Aထွေထွေကုန်ပစ္စည်းဈေးနှုန်း တက်သည့်နှုန်း (ငွေဖောင်းပွမှု နှုန်းသည် ဆယ်ဂဏန်းေAာက်တွင်သာရှိပြီး မော်တော်ကားကဲ့သို့သော ပိုင်ဆိုင်မှုများ၏ ဈေးနှုန်းများ၊ ဆန်စပါးကဲ့သို့သော လယ်ယာထွက်ကုန်ဈေးနှုန်းများ ကျဆင်းနေချိန် ဖြစ်ပါ သည်။ ဤAခြေAနေတွင် Aထွေထွေကုန်ဈေးနှုန်း (ငွေဖောင်းပွနှုန်း) သိသိသာသာ တက်ရန် AလားAလာ နည်းပါသည်။ ၄။ တစ်သောင်းတန်သည် သာမန်ပြည်သူလူထု လက်တွင်းသို့ ပျံ့နှံ့ရန် ငါးထောင်တန်ထက် ပိုကြာUီးမည်ဟု တွက်ဆပါသည်။ ၅။ လုပ်ငန်း ကြီးကြီးမားမား လုပ်သူများAတွက် တစ်သောင်းတန်ကြောင့် ငွေသယ်ယူရာတွင် ပိုAဆင်ပြေသွားသော်လည်း ရေရှည်တွင် AခြေခံငွေAပေးAယူလုပ်သည့် စနစ်Aစား ချက် လက်မှတ် Aခြေခံ၍ ဘဏ်Aသုံးပြုမှု တွင်ကျယ်တိုးတက်ရန် လိုAပ်ပါသည်။ ခင်မောင်ညို (ဘောဂဗေဒ) (ရတနာပုံနေပြည်တော်သတင်းစာမှ)

ဆက်ဖတ်ရန်...

တန်ဖိုးငယ်ငွေစက္ကူဟောင်းများကို ဘဏ်တွင်လဲလှယ်ပေးကြောင်းသိရ

တန်ဖိုးငယ် ဟောင်းနွမ်း ငွေစက္ကူများကို မြန်မာ့စီးပွားရေးဘဏ်များတွင် လဲလှယ်ရာ၌ ယခင်ကလဲလှယ်နိုင်သည့် ပမာဏနှင့် လဲလှယ်ရမည့်ရက် ကို ကန့်သတ်ထားသော်လည်း ယခုအခါ ပမာဏ၊ လဲလှယ်ရန်ရက်ကန့်သတ်ချက်များ မရှိတော့ကြောင်း သတင်းရရှိပါသည်။ ရန်ကုန်မြို့ရှိ မြန်မာ့ စီးပွားရေး ဘဏ်ခွဲများတွင် အများပြည်သူလက်ဝယ်၌ ရှိသော ဟောင်းနွမ်းငွေစက္ကူ ၁၀ ကျပ်တန်၊ ၂၀ ကျပ်တန်၊ ၅၀ ကျပ်တန်၊ ၁၀၀ ကျပ်တန် နှင့် ၂၀၀ ကျပ်တန်စသည်ဖြင့် ၅ မျိုးအား တန်ဖိုးတူချင်း လဲလှယ်ပေးရာတွင်

ယခင်က တစ်မျိုးအရွက် ၂၀ မှ ၃၀ အထိ လဲလှယ်ပေးပြီး အချို့ မြန်မာ့ စီးပွားရေးဘဏ်များတွင် ဘဏ်မန်နေဂျာထံ လျှောက်လွှာတင်လဲလှယ်မှသာ တစ်မျိုးလျှင် အရွက် ၅၀ အထိ လဲလှယ်နိုင်ခဲ့ကြောင်း သိရှိရ ပါသည်။ လဲလှယ်နိုင်သည့် ရက်ကို လည်းအပတ်စဉ် တနလာင်္၊ ဗုဒ္ဓဟူးနှင့် သောကြာနေ့များတွင်သာ လဲလှယ်ရန် သတ်မှတ်ထားကြောင်း သိရ သည်။ သို့သော်ယခုအခါတွင် တစ်ဦးလျှင်မည်မျှ လဲလှယ်ရမည်ဟု ကန့်သတ်ချက် မရှိတော့ကြောင်းနှင့် ဘဏ်ဖွင့်ရက်တိုင်းတွင် လဲလှယ် နိုင်ပြီ ဖြစ်ကြောင်း သိရသည်။ ငွေအကြွေ ပြန်အမ်းရာတွင် အဆင်ပြေစေရန်အတွက် မြန်မာနိုင်ငံတော် ဗဟိုဘဏ်မှ ရန်ကုန်မြို့ရှိ အချို့သော ကုန်တိုက် ကြီးများသို့ တစ်ရာကျပ်တန်နှင့် ငါးဆယ်ကျပ်တန် ငွေဒင်္ဂါးများ ထည့်သွင်းပြန်အမ်းရန်လည်း တိုက်တွန်းထားကြောင်း သတင်း ရရှိပါသည်။ ယခင်က မထသသို့ တစ်ပတ်လျှင် ငွေအကြွေကျပ်သိန်း ၅၀ သတ်မှတ် လဲလှယ်ပေးသော်လည်း ဧပြီလ ၆ ရက်နေ့မှစ၍ တစ်ပတ်လျှင် ကျပ်သိန်း ၆၀ အထိ သတ်မှတ်၍ တိုးမြင့်လဲလှယ် ပေးကြောင်းလည်း သိရသည်။ ဗဟိုဘဏ်၏ ညွှန်ကြားချက်ဖြင့် မြန်မာ့စီးပွားရေး ဘဏ်များမှ လဲလှယ် ပေးသည့် ငွေအကြွေပမာဏမှာ ၂၀၀၉ ခုနှစ် သြဂုတ်လမှ ယခုအချိန်အထိ ကျပ်သိန်းပေါင်း ၁၀၀၀၀ အထိ လဲလှယ်ပေးပြီး ဖြစ်ကြောင်း သိရ သည်။ လဲလှယ်ပေးခဲ့သည့် နေရာများမှာ မော်တော်ယာဉ်လိုင်းများ၊ ဈေးများ၊ ဘဏ်များတွင်လာရောက်လဲသူများ ဖြစ်ကြောင်း ၂၀၁၀ ခုနှစ် ဧပြီ ၂၃ ရက်နေ့ထုတ် Bi Weekly Eleven ဂျာနယ်တွင် ဖော်ပြထားပါသည်။ (ရတနာပုံနေပြည်တော်သတင်းစာမှ)

ဆက်ဖတ်ရန်...

မောင်တောမူဆလင် အဓိကရုဏ်း ထိခိုက်မှုတချို့ရှိ

ရခိုင်ပြည်နယ်အနောက်ဘက် မောင်တောမြို့မှာ အစ္စလာမ်ဘာသာဝင်တချို့ရဲ့ အကြမ်းဘက်ဆူပှုကြောင့် ၁ ယောက်သေဆုံးပြီး ၄ ယောက် ဒဏ်ရာရသွားပါတယ်။ လူနေအိမ်တချို့လည်း ပျက်စီး မီးလောင် သွားခဲ့ပါတယ်။ ပြည်နယ်ကွပ်ကဲရေးရုံးက VOA ကို ပြောပြချက်အရဆိုရင် အခုတော့ အခြေအနေကို ထိန်းထားနိုင်ပြီလို့ ဆိုပါတယ်။ ဒီကနေ့ မောင်တောမြို့မှာ ဖြစ်ခဲ့တဲ့ အခြေအနေနဲ့ နောက်ဆုံးဖြစ်နေတဲ့ အခြေအနေတွေကို စုံစမ်းထားတဲ့ မသင်းသီရိက တင်ပြပေးထားပါတယ်။

ဒီကနေ့ ဇွန်လ ၈ ရက်၊ သောကြာနေ့ နေ့လည်က မောင်တောမှာဖြစ်ခဲ့တဲ့ အကြမ်းဘက်မှုတွေက ဒီကနေ့ ညနေပိုင်းထိသတင်းကတော့ သေဆုံးတဦး ဒဏ်ရာရသူ ၄ ဦးအထိ ရှိခဲ့ပါတယ်။ ဒီပြဿနာတွေ အတွင်း နေအိမ်နဲ့တည်းခိုခန်းအပြင် ဗီဒိုယိုရုံတွေအပါအ၀င် ၁၈ အိမ်လောက် မီးလောင်ပျက်စီးတာတွေ လည်း ဖြစ်ခဲ့ပါတယ်။ အခု ညနေပိုင်းမှာတော့ နောက်ထပ် ဒီလို ပြဿနာတွေ ထပ် မဖြစ်ရအောင် ဒေသဆိုင်ရာ လုံခြုံရေးတွေက ထိန်းထားတယ်ဆိုတဲ့ နောက်ဆုံးအခြေအနေကိုတော့ ရခိုင်ပြည်နယ်ကွပ်ကဲရေးရုံးက ပြန်ကြားရေးတာဝန်ခံ ဦးဝင်းမြိုင်ကပြောပါတယ်။ “အခုနောက်ပိုင်း အခြေအနေကတော့ ကောင်းသွားပြီလို့ သိရပါတယ်။ ကျနော်တို့ဆီမှာ တိုင်းရင်းသားက ဆရာဝန် ဓားထိုးခံရတဲ့သတင်းလောက်ပဲ ရှိပါတယ်ခင်ဗျ။ သူကတော့ ဝမ်းဗိုက်မှာ အထိုးခံရတယ်၊ ဆေးရုံမှာ ဆေးကုသဆဲရှိတယ်။ အဲလောက်ပဲ သိပါတယ်ခင်ဗျ။ လောလောဆယ် သတင်းရတာတော့ ဒေါက်တာခင်မောင်လတ်ရယ်၊ သူ့အမျိုးသမီးရယ်နဲ့ စုစုပေါင်း လေးယောက် ဒဏ်ရာရထားတာတော့ ရှိတယ်။ တိုင်းရင်းသားထဲက ဓားထိုးဒဏ်ရာနဲ့ ဆုံးသွားတာ တယောက်ပဲ ရှိပါသေးတယ်။ အခုတော့ အခြေအနေ ထိန်းထားနိုင်ပါပြီခင်ဗျ။” ရုန်းရင်းဆန်ခတ်ဖြစ်နေပြီး တိုက်ခိုက်မှုတွေအထိ ဖြစ်နေတဲ့ ဒီအခြေအနေတွေကိုထိန်းနိုင်ဖို့ လုံခြုံရေး အဖွဲ့တွေက သေနတ်ကို မိုးပေါ်ထောင် ပစ်တာနဲ့ မီးသတ်ပိုက်သုံးပြီး လူစုခွဲထားတွေ လုပ်ခဲ့ပေမဲ့ လူစုလူဝေးထဲ သေနတ်နဲ့ပစ်တာမျိုး၊ သေနတ်ဒဏ်ရာရသွားတာမျိုး မရှိဘူးလို့လည်း ပြောပါတယ်။ “ကျနော်တို့ဆီမှာ ပစ်တယ်၊ ခတ်တယ်ဆိုတာတော့ မရှိသေးပါဘူး။ တခုတော့ရှိတာပေါ့။ လူစုကွဲအောင်လို့ မီးသတ်ကားနဲ့ရေပက်တာတို့၊ မိုးပေါ်ထောင်ဖောက်တာတို့ အဲလောက်တော့ ရှိတာပေါ့။ အိမ်မီးလောင် တာတွေ ငြိမ်းတာလေ။ အဲလောက်တော့ ရှိပါတယ်။ လူထုကို တည့်တည့်ပစ်ခတ်တာတော့ မရှိပါဘူးဗျ။ တယောက်နဲ့တယောက် ခုတ်ကြ၊ ဖြတ်ကြတာ ဒဏ်ရာရတဲ့လူလည်း ရှိပါတယ်။ သူတို့ဘက်က ဒဏ်ရာ ရတာတော့ ကျနော်တို့မှာ မသိနိုင်သေးဘူးဗျ။” ရခိုင်ပြည်နယ်ကွပ်ကဲရေရုံးက ပြန်ကြားရေးတာဝန်ခံ ဦးဝင်းမြိုင်က မောင်တောက နောက်ဆုံး အခြေအနေတွေ ပြောပြခဲ့တာပါ။ ဒီပြဿနာဟာ ရမ်းဗြဲမြို့နယ်၊ ကျောက်နီမော်ကျေးရွာမှာ ဖြစ်ခဲ့တဲ့ အခြေအနေပေါ် အခြေခံပြီး သောကြာနေ့မို့ ဗလီဘုရားကျောင်းကနေ ၀တ်ပြုပြီး ဆင်းလာကြတဲ့ မူဆလင်တချို့ရဲ့ မကျေနပ်မှုတွေက စခဲ့တာဖြစ်တယ်လို့လည်း ပြောပါတတယ်။ မကျေမနပ်ဖြစ်နေကြတဲ့ မူဆလင်တချို့ဟာ ရခိုင်တိုင်းရင်းသားတွေပိုင်တဲ့ အိမ်တွေ၊ ဆိုင်တွေကို စပြီးတိုက်ခိုက်ခဲ့တာဖြစ်တယ်လို့ တိုက်ခိုက်ဖျက်ဆီးတာခံလိုက်ရတဲ့ မောင်တော United တည်းခိုခန်းပိုင်ရှင် ဦးစံရွှေကလည်း ပြောပြပါတယ်။ “၁၂ နာရီခွဲလောက်မှာ ဆုတောင်းပွဲကအပြန်မှာ သွားဖြစ်တယ်။ လူအုပ်ကြီးကများတော့လည်း သွေးက နည်းနည်းပါးပါး ကြွလာတယ် ထင်ပါတယ်။ အဲဒါနဲ့ လမ်းကနေပြီးတော့မှ ဆီတွေ၊ ခဲတွေနဲ့ ပထမ United တည်းခိုခန်းကို စပြီးတော့ ခဲနဲ့ထုတာပေါ့။ ပြီးတာနဲ့ တည်းခိုခန်း ပိုင်ရှင်အိမ်ကို ထုတယ်။ လူအုပ်က များလာတော့ လမ်းမှာအပြည့်ပေါ့လေ- ကျနော်တို့အိမ်ရော တဆက်တည်းဆိုတော့ အိမ်ရော ပါသွားတာပေါ့။ အဲဒီကမှတဆင့် ဒီဘက် ဗိုလ်မှူးရွာမှာ ဒီဘက်က သဇင်တည်းခိုခန်းကို မီးရှို့တယ်။ ပြီးတာနဲ့ ဘေးနားကအိမ်ကို ဖျက်ဆီးတယ်။ နောက်ပြီးတော့ ဗိုလ်မှူးရွာအတွင်းမှာရှိတဲ့အိမ် ၇ လုံးလောက် မီးရှို့ပစ်တယ်။ ကျနော်ထင်တာ ကတော့ တောင်ကုတ်ကိစ္စနဲ့ ပတ်သက်ပြီးတော့ သူတို့ မကျေမနပ်ဖြစ်တာ ထင်ပါတယ်။ ဒေသခံတွေ ကကျတော့ စိုးရိမ်တာပေါ့။ တိုင်းရင်းသား ဒေသခံတွေက လူနည်းစု ၃၀၀ ကျော်လောက်ပဲ ရှိတာကို။ အခု ရဲတပ်ရင်း (၂) ကနေပြီးတော့မှ လုံခြုံရေးအင်အား ၁၅၀ လောက်နဲ့ နေရာ သုံးနေရာခွဲပြီး နေရာချ ထားတယ်လို့ သိရပါတယ်။ ဒါပေမဲ့ ဖြစ်တဲ့အချိန်ကတော့ သူတို့က မရှိဘူးလေ။ နေရာက လှမ်းနေတော့လည်း အချိန်မမီဘူးပေါ့။ အဲဒါ မီးရှို့တဲ့အချိန်မှာလည်းပဲ ဘာမှတော့ လုပ်လို့ မရဘူးပေါ့လေ။ နောက်တခါ ကျနော်တို့ ဒီဘက်မှာ ညနေ သုံးနာရီကျော်ကျော်လောက်မှာကျတော့ အနားမှာရှိတဲ့ ရခိုင်ရွာမှာလည်း ရခိုင်အိမ် ၄ လုံး ဗွီဒီယို ရုံတရုံ မီးရှို့ပစ်တယ်။” ဒါကတော့ မောင်တောမြို့ခံ ဦးစံရွှေက ပြောပြခဲ့တာပါ။ အခုညပိုင်း နောက်ဆုံးအထိတော့ အခြေအနေတွေဟာ တည်ငြိမ်နေပြီဖြစ်ပြီး မောင်တော မြို့တ၀ိုက်မှာတော့ လုံခြုံရေးတွေ ချထားတာ တွေ့ရတယ်လို့ မြို့ခံတွေက ပြောပါတယ်။ ရခိုင်ပြည်နယ် ရမ်းဗြဲမြို့၊ ကျောက်နီမော်ရွာမှာ မလ ၂၈ ရက်နေ့က မသီတာထွေးကို လူငယ်သုံးဦးက ပစ္စည်းလုယူ၊ အဓမ္မပြုကျင့်ပြီးတော့ အကြမ်းဘက် သတ်ဖြတ်ခဲ့တဲ့ ဖြစ်ရပ်ကနေ အခုလို ပြဿနာတွေ စခဲ့တာဖြစ်ပါတယ်။ အဲဒီနောက် ဇွန်လ ၃ ရက်နေ့က တောင်ကုတ်မြို့မှာ အစ္စလာမ်ဘာသာဝင်တွေ စီးလာတဲ့ကားကို လူတစုက အကြမ်းဘက် တားဆီးပြီး ရိုက်နှက်သတ်ဖြတ်ခဲ့တာကြောင့် ကားပေါ် ပါလာတဲ့ လူ ၁၀ ဦး သေဆုံးခဲ့တဲ့အထိ နောက်ဆက်တွဲဖြစ်ခဲ့ပြီးတဲ့နောက် အခုတကြိမ် မောင်တော မှာ ပြဿနာတွေ ထပ်ဖြစ်ခဲ့တာပါ။ အစိုးရကတော့ ရခိုင်ပြည်နယ်ထဲ မှာ ဖြစ်ခဲ့တဲ့ ပြဿနာတွေ ရဲ့ ဖြစ်ရပ်မှန်ကို ဖော်ထုတ်နိုင်ဖို့အတွက် စုံစမ်းစစ်ဆေးရေး အဖွဲ့တဖွဲ့ကို ဇွန်လ ၆ ရက်နေ့က ဖွဲ့စည်းခဲ့ပြီးဖြစ်ပါတယ်။ နောက်ဆုံးရတဲ့ သတင်းအရ မောင်တောနဲ့ ဗူးသီးတောင် မြို့ပေါ်ရပ်ကွက်တွေမှာ ပုဒ်မ ၁၄၄၊ ထုတ်ပြန်ထားတယ်လို့ သိရပါတယ်။ (ဗွီအိုအေသတင်းမှ)

ဆက်ဖတ်ရန်...

မသီတာထွေးအမှု ကျူးလွန်သူ တရားခံများအား ရုံးထုတ်စစ်ဆေး

ရခိုင်ပြည်နယ် ရမ်းဗြဲမြို့နယ် ကျောက်နီမော် ဒေသမှ မသီတာထွေးအား အဓမ္မပြုကျင့်၊ သတ်ဖြတ်၍ ပစ္စည်းလုယူမှု ကျူးလွန်ခဲ့သည့် တရားခံများကို ကျောက်ဖြူ ခရိုင်တရားရုံး၌ ယနေ့ နံနက် ၉ နာရီက ရုံးထုတ် စစ်ဆေးခဲ့သည်။ အဆိုပါ တရားခံများမှာ ကျောက်နီမော်ဒေသ ကျောက်ထရံ ကျေးရွာမှ ရော်ဖိ (၁၈ နှစ်)၊ ထက်ထက် (၂၃ နှစ်) နှင့် လူယု (၂၁ နှစ်) တို့ဖြစ်ပြီး ၎င်းတို့ ၃ ဦးအား ရုံးထုတ် စစ်ဆေးရာသို့ ဒေသခံ ပြည်သူ ရာဂဏန်းခန့် လာရောက် နားထောင်ခွင့် ရခဲ့သည်။

ပြည်နယ်အစိုးရ အဖွဲ့မှ ၀န်ကြီး ၂ ဦး၊ ပြည်နယ် လွှတ်တော် ဒု ဥက္ကဋ္ဌ၊ ဒေသဆိုင်ရာ ရဲတပ်ဖွဲ့ အကြီးအကဲများ တက်ရောက် နားထောင် ခဲ့ကြောင်း၊ တနင်္လာနေ့တွင် ထပ်မံ ရက်ချိန်းပေးထားကြောင်း တရားခွင် သွားရောက်နားထောင်ခဲ့သည့် ဒေသခံများက ပြောသည်။ ယနေ့ နေ့လယ်က ရခိုင်ပြည်နယ် စစ်တွေမြို့မှ ဈာပန အခမ်းအနား တခုအား မြို့ပြင်ရှိ သုဿန်သို့ သွားရောက် ပို့ဆောင်ရာ သဲချောင်းကျေးရွာနှင့် ဘုမေ ကျေးရွာတို့မှ ရွာသားများသည် လူသေအလောင်း တင်ဆောင်လာသည့် မော်တော်ယာဉ်နှင့် လိုက်ပါပို့ဆောင် သူများအား လူတချို့က အုပ်စုဖွဲ့၍ ခဲများနှင့် ပစ်ပေါက်ခြင်း၊ အော်ဟစ်ဆဲဆိုခြင်း စသည်ဖြင့် နှောင့်ယှက်ခဲ့ကြောင်း စစ်တွေ မြို့ခံ တချို့က ပြောသည်။ “ဒီနေ့ ၂ နာရီလောက်မှာ ဖြစ်တာပါ။ အသုဘ ယာဉ်တန်းကို ၀ိုင်းဝန်း တိုက်ခိုက်တော့ ရဲတွေကို ချက်ချင်း အကြောင်းကြား ရတယ်။ ရဲတွေ၊ လုံခြုံရေးတွေ လာပြီး လူစုခွဲခဲ့ရတယ်။ အသုဘ ကို လုံခြုံရေး တွေ အကူအညီ နဲ့ သင်္ဂြိုဟ် ဖြစ်ခဲ့တယ်” ဟု ဒေသခံ တဦးက ပြောသည်။ စစ်တွေမြို့၌ လုံခြုံရေး များ ပိုမိုချထားသော်လည်း ယခုအခါ အခြေအနေ တည်ငြိမ်နေပြီ ဖြစ်ကြောင်း သိရသည်။ မသီတာထွေးအား လူသုံးဦးက အဓမ္မပြုကျင့် သတ်ဖြတ်ခဲ့မှုနှင့် ဆက်စပ်၍ တောင်ကုတ်မြို့၌ လူ ၁၀ ဦး အသတ်ခံခဲ့ရသည်။ ထိုဖြစ်ရပ်နှင့် ဆက်စပ်၍ မောင်းတော မြို့ပေါ်ရှိ မြို့မ ဘုန်းတော်ကြီး ကျောင်းအား ခဲဖြင့်ပေါက်ခြင်း၊ ယူနိုတ်တက် တည်းခိုခန်း အား မီးရှို့ခြင်း၊ ကျေးရွာတချို့အား မီးရှို့ခြင်း စသည် တို့ လုပ်ဆောင်ခဲ့သဖြင့် လူတချို့ ဒဏ်ရာရမှု၊ သေဆုံးမှုတို့ ရှိခဲ့ကြောင်း ဒေသခံများက ပြောသည်။ ရခိုင်ပြည်နယ် မောင်းတောမြို့ပေါ်တွင် ဆူပူဖျက်ဆီးမှု၊ အနီးဝန်းကျင် ကျေးရွာတချို့အားမီးရှို့ ဖျက်ဆီးမှုကြောင့် အစိုးရ လုံထိန်းတပ်များက ပစ်ခတ်နှိမ်နင်းခဲ့ပြီး ဒေသခံများမှာ ညမိုးချုပ်လာမည်ကို စိုးရိန်နေကြသည်။ လက်ရှိ မောင်းတောနှင့် ဘူးသီးတောင်မြို့၏ အခြေအနေမှာ စိုးရိမ် စရာ ရှိနေပြီး အစိုးရက ထိုဒေသကို ညမထွက်ရ နေဝင်မီးငြှိမ်း ပုဒ်မ ၁၄၄ ထုတ်ထားပြီ ဖြစ်ကြောင်း သိရသည်။ (ဧရာဝတီမှ)

ဆက်ဖတ်ရန်...

ပအိုဝ်းတိုင်းရင်းသားတောင်သူများ၏လယ်ယာမြေနှင့်တဲများဖျက်ဆီးခံရ

ပဲခူးတိုင်းဒေသကြီး၊ ကျောက်တံခါးမြို့နယ်၊ ကမွန်းအင်းကျေးရွာအုပ်စုအတွင်း နေထိုင်ကြသောပအိုဝ်း တိုင်းရင်းသား တာင်သူများနှင့် ကောင်းမြန်မာအောင်ကုမ္မဏီတို့အကြား လယ်ယာမြေ(၄၃၇)ဧကနှင့် ပတ်သက်ပြီး အငြင်းပွားမှုများဖြစ်ပေါ်နေကြာင်း သိရှိရပါသည်။

အဆိုပါ လယ်ယာမြေ(၄၃၇)ဧကသည် ကျောက်တံခါးမြို့နယ်၊ကင်းမွန်းအင်းကျေးရွာအုပ်စု၊ကျီးအင်း ကျေး
ရွာ အနီးရှိ အနောက်တုံ ကန်သစ်တောကြိုးဝိုင်း ကွင်းအမှတ်( ၄၄၊ ၄၅၊ ၄၆၊ ၅၀၊ ၅၁၊ ၈)တို့ဖြစ်ပြီး ၁၁. ၁၀. ၂၀၀၇ ရက်နေ့ နေ့စွဲပါစာအမှတ် ၃၃၁၈-၁၉/လင/ ပုဂ္ဂလိကစာဖြင့် ပဲခူးတိုင်းဒေသကြီး၊ ပဲခူးမြို့၊ သစ်တောဦးစီးဌာနညွန်ကြားရေးမှူးရုံးမှ ပဲခူးခရိုင်၊ကျောက်တံခါးမြို့နယ်၏ပဲခူးရိုးမ တောင်ခြေကျေးရွာတွင် ပုဂ္ဂလိကသစ်တောစိုက်ခင်း တည်ထောင်ရန် လျှောက်ထားသူ ပအိုဝ်းတိုင်းရင်းသား တောင်သူများအား ပုဂ္ဂလိကသစ်တောစိုက်ခင်းအဖြစ်စိုက်ပျိုးခွင့်ပြုခဲ့ပါသည်။ကျွန်တော်တို့ပအိုဝ်းတိုင်းရင်းသား တောင်သူများ အနေဖြင့်အခင်းဖြစ်လယ်မြေ(၄၃၇)ဧကကို အပြောင်ရှင်းပြီး သီးပင်၊ စားပင်၊ ပန်းမန်၊ သရက်ပင်၊ သီဟိုပင်နှင့် သစ်မာအမျိုးပေါင်းစုံ စိုက်ပျိုးပြီး အဆိုပါအကွက်များပေါ်တွင် တဲထိုး၍ နေထိုင်ခဲ့ကြပါသည်။ စိုက်ပျိုးခွင့်ကျလာ သည့်အချိန်တွင် မြေစာရင်းဦးစီးဌာနမှ တာဝန်ရှိသူတစ်ဦးနှင့် ကျီးအင်းကျေးရွာ ရာအိမ်မှူးဦးသန်းဦးတို့မှနောင်တွင် ကုမ္မဏီများ၏သိမ်းဆည်းမှုမခံရလေအောင် ပြေစာလျှောက်ထား ရန်အတွက်(၁)ဧကလျှင်(၈၀၀၀)ကျပ်နှုန်းကောက်ခံခဲ့သဖြင့် ပေးဆောင်ခဲ့ရပါသည်။   မြေခွန်ပြေစာများကို
တောင်သူအများစုရရှိခဲ့ပါသည်။ သို့သော်လည်း ကောင်းမြန်မာအောင်ကုမ္မဏီမှ ၂၀၁၂ခုနှစ် ဖေဖော် ၀ါရီလတွင် ယင်းလယ်ယာမြေ(၄၃၇)ဧကအား ၄င်းကုမ္မဏီပိုင်လယ်မြေဖြစ်ကြောင်းပြောဆိုပြီး ကုမ္မဏီစိုက်ခင်းတာဝန်ခံ ဦးအောင်ဌေးညွန့်နှင့် အလုပ်သမား (၂၀)ဦးတို့မှ ပအိုဝ်းတိုင်းရင်းသားတောင်သူများ ထွန်ယက်စိုက်ပျိုးထားသော သီးပင်၊စားပင်၊ပန်းမန်၊သစ်မာပင်များနှင့် လယ်တဲများကို မီးရှို့ဖျက်ဆီးခဲ့ကြပြီး တောင်သူများကိုလည်း ဒုတ်၊ ဓါး၊ လေးခွတို့ဖြင့် ခြိမ်းခြောက်၍ မောင်ထုတ်ခဲ့ကြသည့်အတွက် မြေယာမဲ့ဖြစ်ပြီး မိသားစုဘ၀တွေ အတိဒုက္ခရောက်ခဲ့ရပါသည်ဟု ဒေသခံ ပအိုဝ်းတိုင်းရင်းသားတောင်သူ တစ်ဦးမှပြောကြားပါသည်။ ပဲခူးတိုင်းဒေသကြီး သစ်တောဦးစီးဌာန ညွန်ကြားရေးမှူး ဦးမြင့်ငွေ၏ ခွင့်ပြုမိန့်ဖြင့် ဓါးမဦးချလုပ်ကိုင်နေသော ပအိုဝ်းလူမျိုးစုများ၏ မိသားစု အသက်မွေးဝမ်းကြောင်းနှင့် စားဝတ်နေရေးအတွက် အခင်းဖြစ်လယ်ယာမြေအား ပြန်လည်လုပ်ပိုင်ခွင့်ရရှိရန် ကျောက်တံခါးမြို့နယ်၊ တိုင်းဒေသကြီးလွှတ်တော်ကိုယ်စားလှယ် ဦးကျော်ဆန်းဦးမှ ပဲခူးတိုင်းဒေသကြီးအစိုးရအဖွဲ့ ၀န်ကြီးချုပ်ထံသို့ တင်ပြထားကြောင်းသိရသည်။ ဒေသခံပအိုဝ်းတိုင်းရင်းသားတောင်သူများနှင့် ကောင်းမြန်မာအောင်ကုမ္မဏီ တို့အကြားလယ်ယာမြေအငြင်းပွားမှုပြဿနာမှာ ယနေ့အချိန်ထိ ပြေလည်မှုမရှိသေးသည့်အတွက် ပအိုဝ်းတိုင်းရင်းသားတောင်သူများမှ ပဲခူးတိုင်းဒေသကြီးအစိုးရအဖွဲ့နှင့် ပြည်ထောင်စုအစိုးရ အဖွဲ့ထံသို့တင်ပြသွားမည်ဖြစ်ကြောင်း စုံစမ်းသိရှိရပါသည်။

ဆက်ဖတ်ရန်...

PNO မှ ဗိုလ်မူးပီတာ - ပအိုဝ်းလူကြီးတစ်ယောက်ကို ထိုးကြိတ်မှု ရှုံ့ချကြပါ"

နောင်ကားမှာနေတဲ့ PNO ဗိုလ်မူးတစ်ယောက်ဖြစ်တဲ့ ဗိုလ်မူးပီတာက အရက်မူးပြီး တောင်ကြီး-ကက္ကူလမ်းပေါ်မှာ ကားမောင်းရင်း ဟွန်းဇွတ်တီးပြီး လမ်းကိုတောင်းလို့ မဖယ်ပေးရကောင်းလား ဆိုပြီး ပအိုဝ်း အသက်ကြီး လူကြီးတစ်ယောက်ကို တစ်ချက်မက ဆွဲထိုးပြီး ကားသော့ဖြုတ်ယူသွားတယ်လို့ ကြားသိရပါတယ်။ အထိုးကြိတ်ခံရတဲ့ လူကြီးက ဆိုင်ခေါင်ဈေးရှိ နာမည်ကြီး (မွိူးမြ) ကုန်စုံဆိုင်ရဲ့ အမျိူးသားဖြစ်ပြီး ဆိုက်ခေါင်-ဆီဆိုင် နန်းစစ်ဘုရားမှာရော ပအိုဝ်းဒေကရှိ ဘုန်းကြီးကျောင်းများမှ လူသိများ လူတကာ လေးစားတဲ့ ကိုယ်အကျိုးမပါပဲ ဘုရားဂေါပက လုပ်နေတဲ့ လူကြီးလည်းဖြစ် အရပ်က အားကိုးရတဲ့ လူကြီးလည်း ဖြစ်တယ်လို့ သိရပါတယ်။ ဖြစ်စဉ်က ဒီလိုပါ

(လွန်ခဲ့တဲ့ တစ်လကျော်၊ နှစ်လ၀န်းကျင်ခန့်က) ထိုပအိုဝ်းလူကြီးမှာ နောက်တစ်နေ့ ဆိုက်ခေါင်ဈေးအတွက် တောင်ကြီးမှဈေးဝယ်လာပြီး သားဖြစ်သူနှင့် ကားနှစ်စီး (ပအိုဝ်းလူကြီးက - ကားအလွတ်နှင့် သားဖြစ်သူက ကုန်ပစ္စည်းပါတဲ့ကား) အတူ ကက္ကူလမ်းအတိုင်း ပြန်လာခဲ့ကြတယ်။ အဖေဖြစ်သူက နောက်ကားမှ ဟွန်းအဆက်မပြတ်တီးပြီး လာတဲ့ကားကို ရုတ်တရက် လမ်းလည်းကျဉ်းတဲ့အတွက် အနောက်ကားရှိ သူ့သား၏ ကုန်ကား တစ်ခုခုများ ဖြစ်နေလား ရပ်ပြီးတော့ ကြည့်မည်အပြင်တွင် ... (ထိုဗိုလ်မူးပီတာမှ) ပအိုဝ်းလူကြီးရဲ့ ကားရှေ့မှာ ထိုးပိတ်ရပ်လိုက်ပြီး .. ကားတံခါးဖွင့်ကာ ထိုးကြိတ်မည် အပြင် ... ပအိုဝ်းလူကြီးက တောင်းပန်တယ်လို့ သိရပါတယ်။ တောင်းပန်တာကို လက်မခံပဲ ထိုဗိုလ်မူးပီတာက တစ်ချက်ထက်မက ဆက်တိုက် ထိုးကြိတ်သွားပြီး ကားသော့ကို ဖြုတ်ယူသွားပါတယ်။ အထိုးကြိတ်ခံလိုက်ရတဲ့ ပအိုဝ်းလူကြီးရဲ့ မျက်နှာမှာေ၇ာင်ကိုင်းပြီး မျက်လုံးတောင် ကောင်းကောင်း မမြင်ရလောက်အောင် ဖြစ်သွားပါတယ်။ အဲဒီအချိန်မှာ နောက်ကပါလာတဲ့ သားဖြစ်သူကားက မှီလာတဲ့အခါမှာ .. ဗိုလ်မူးပီတာ ကားကိုသော့လိုက်တောင်းဖို့ အနောက်ကနေ လိုက်သော်လည်း ကုန်ပစ္စည်းများပါတဲ့ ကားလည်းဖြစ် မောင်းပြေးသွားပြီလည်း ဖြစ်တဲ့အတွက် .. မမှီလိုက်ပါဘူး။ ဒါနဲ့ သားဖြစ်သူက သူ့ကုန်ကားထဲမှာ သော့အပို ရှာဖွေကြည့်ရင်း ကံကောင်းစွာနဲ့ အဖေဖြစ်သူ ကားအတွက် ကားသော့ အပိုပါတာကို တွေ့ရလို့ ဒီလိုပဲ ခရီးနှင်ခဲ့ပါတယ်။ ထိုပအိုဝ်းလူကြီးမှာ PNO အသိုင်းအ၀ိုင်းမှလည်း လူသိများပါတယ်။ မွေတော်ကက္ကူနားရှိ ခမ်းဗွေ - ဗိုလ်မူးမြင့်အောင်နှင့်လည်း အကျွမ်းတ၀င်ရှိပါတယ်။ PNO မှ ဦးအောင်ခမ်းထီနဲ့ ပအိုဝ်းဆရာတော်များမှလည်း အားကိုးရတဲ့ အဖွဲ့အစည်းနဲ့ မပက်သက်တဲ့ လူကြီးတစ်ယောက်လို့လည်း သိရပါတယ်။ အဲဒါနဲ့ ကက္ကူအရောက် ခမ်းဗွေ-ဗိုလ်မှူးမြင့်အောင်ကို ၀င်တိုင်တန်းရန် သားဖြစ်သူက အကြံပေးသော်လည်း ဖခင်ဖြစ်သူမှာ ကျူးလွန်ခဲ့သူ ဗိုလ်မူးပီတာမှာ PNO မှ ဗိုလ်မူးတစ်ယောက်ဖြစ်တဲ့ အတွက် ၀င်တိုင်လည်း အကြောင်းထူးနိုင်မည် မဟုတ်ကြောင်း သားဖြစ်သူကို ပြောပြီး ဆက်ပြီး ခရီးနှင်ခဲ့ပါတယ်။ ဒီလိုနဲ့ ဆိုက်ခေါင်လူကြီးများမှ တစ်ဆင့် ပအိုဝ်းဆရာတော်ကြီးများ၊ နောက်ဆုံး ဦးအောင်ခမ်းထီ အထိ သတင်း ပျံ့နှံ့ခဲ့ပါတယ်။ ပအိုဝ်းဆ၇ာတော်ကြီးများမှ ဦးအောင်ခမ်းထီကို ထိုပြဿနာ ဖြေရှင်းပေးရန် တောင်းဆိုခဲ့တယ်လို့ သိရပါတယ်။ အဲဒါနဲ့ ဦးအောင်ခမ်းထီက ထိုပအိုဝ်းလူကြီးကို ဆင့်ခေါ်ကာ အကြောင်းစုံ မေးမြန်းပြီး .. နောက်မကြာမှီတွင် ... တောင်ကြီးရှိ ပအိုဝ်းအမျိုးသားအဖွဲ့ချုပ် ရုံးခန်းတွင် ဗိုလ်မှူးများအားလုံး အစည်းဝေး ခေါ်ခဲ့တယ်လို့ သိရပါတယ်။ အစည်းအဝေးတွင် ပအိုဝ်းလူမျိုးကိုယ်စားပြု ပအိုဝ်းအဖွဲ့အစည်းဖြစ်တဲ့ PNO ရဲ့ ဗိုလ်မှူးဖြစ်ပြီး .. ပအိုဝ်းပြည်သူတွေကို ရိုင်းရိုင်းစိုင်းစိုင်း ထိုးကြိတ်ဆက်ဆံသွားတဲ့ အကြောင်း .. ထိုသို့ မဖြစ်သင့်ကြောင်း ဗိုလ်မှူးအားလုံးကို ဆိုဆုံးမပြီး ... အပြစ်ကျူးလွန်ခဲ့သူ ထို ဗိုလ်မူးပီတာအား .. အရစ်များ ဖြုတ်ခဲ့သည်ဟု ကြားသိရပါတယ်။ ဒီအဖြစ်အပျက်ကို .. ကြည့်ချင်းအားဖြင့် .. PNO မှ ဗိုလ်မှူး တော်တော်များများ ဘာတွေလုပ်နေကြတယ် ဆိုတာ ခန့််မှန်းလို့ ရပါပြီ။ ကျွန်တော်တို့ ပအိုဝ်းလူငယ်များ အနေနဲ့ ရှုံ့ချသင့်ပါတယ်။ ပြည်မကြီးမှာ ဒီမိုကရေစီ ကျင့်သုံးနေပါပြီ။ ပြောင်းလဲမှုတွေ စတင်နေပါပြီ .. ။ ဒီလိုကာလမျိုးမှာ ဆက်လက် ရမ်းကားတဲ့ ဗိုလ်မူးတွေကို ဖြုတ်သင့်ပါတယ်။ PNO မှ ဗိုလ်မှူးများက မိမိအကျိုးစီးပွာမှလွဲပြီး ကျန်တာ စိတ်မ၀င်စားတာကိုလည်း ခေတ်ပအိုဝ်းလူငယ်များ အသိဖြစ်ပါတယ်။ လူငယ်တိုင်းလည်း ရိတ်မိနေပါပြီ။ စီးပွားရေးလုပ်သော်လည်း .. မိမိတို့ရဲ့ ပအိုဝ်းလူမျိုးများကိုလည်း ငှဲ့ကြပါ၇န် လူငယ်များ ကိုယ်စား တောင်းပန်ပါတယ်။ မကူညီရင် နေပါစေ မိမိလူမျိုးကိုလည်း နိုင်ထက်စီးနှင်းမလုပ်ရန် တောင်းပန်ပါတယ်။ လမ်းကြုံရင်း တစ်ဆက်တည်း PNO မှ ဗိုလ်မှူးစံလွင်ကိုယ်တိုင်က .. စီးပွားရေး သောင်းကျန်းနေကြာင်း သိရပါတယ်။ အပြစ်မဆိုသာပေ။ စီးပွားရေးလုပ်တာ လက်နက်ကိုင်တာထက် ပိုကောင်းပါတယ်။ သို့ပေမယ့် မိမိလူမျိုး၊ လူငယ်များကို လူမျိုးကိုယ်စားပြုတစ်ခုနေနဲ့ ရပ်တည်တာ ဖြစ်တဲ့အတွက် .. ပြန်ငှဲ့ပြီး ကြည့်ပေးသင့်တယ်လို့ မြင်ပါတယ်။ ပအိုဝ်းလူမျိုး ကိုယ်စားပြု အဖွဲ့အစည်းတစ်ခု အဖြစ် ရပ်တည်နေပြီးတော့ ကိုယ့်လူမျိုးအတွက် အလုပ်မလုပ်ရင် .. ရာထူးက နုတ်ထွက်ဖို့ အကြံပေးပါတယ်။ ကျွန်တော်၏ ကိုယ်ပိုင်အမြင်အရ .. လုပ်ငန်းရှင် ဦးခွန်နေ၀င်းထွန်းမှ ပအိုဝ်းလူငယ်များကို တစ်ကယ် အခွင့်ရေးပေးကြောင်း၊ အလုပ်အကိုင်များနှင့် ပညာတတ်လျှင် တတ်သလို အခွင့်ရေးပေးကြောင်း၊ မြေတောင်မြောက်ပေးကြောင်း ကြားသိရပါတယ်။ ၀မ်းမြောက်မိပါတယ်။ ကျွန်တော်တို့ ပအိုဝ်းအဖွဲ့စည်းလောကမှာ ဦးခွန်နေ၀င်းထွန်းလို့ ပအိုဝ်းလူငယ်များကို မြေတောင်မြောက်ပေးတဲ့ လူကြီးများ၊ ဗိုလ်မှူးကြီးများ လိုအပ်ပါတယ်။ ထပ်(မူး)ပြီး ရမ်းကားမည်ဆိုလျှင်တော့ အပြည်ပြည်ဆိုင်ရာ (၂၀၁၅) ရွှေးကောက်ပွဲမှာ အဖြေတွေ သိသိသာသာ သိရလမ့်မယ်လို့ လူငယ်များ ကိုယ်စား သတိပေးပါတယ်။ Free & Fair ရွှေးကောက်ပွဲကြီး အမှန်တစ်ကယ် ဖြစ်ခဲ့မည် ဆိုလျှင်ပါ ............................. ဒီသတင်းကို Share ကြပါတယ်။ .. မတရားမှုကို ဖော်ထုတ်ကြပါတယ်။ ပအိုဝ်းလူမျိုးအတွက် ကောင်းတာ လုပ်ပေးတဲ့ ဗိုလ်မှူးတွေရဲ့ အကြောင်းကို ရေးကြပါ။ ကျေးဇူးတင်ကြပါ။ အားပေးထောက်ခံကြပါ။ အကြောင်းအရာတွေ မျှဝေကြပါ။ သိတဲ့သူတွေရေးမှ ကျန်တဲ့ ပအိုဝ်းလူငယ်များ သိမည် ဖြစ်ပါတယ်။ ဒီသတင်းဟာ သတင်းမှန်ဖြစ်ပါတယ်။ အတင်းမဟုတ်ပါဘူး။ အတင်းလည်း မတုပ်တတ်ပါ။ ခိုင်လုံတဲ့ သတင်းဖြစ်ပါတယ်။ တစ်ဆင့်ခံ သတင်းမဟုတ်ပါ။ ခွန်မြန်မာ

ဆက်ဖတ်ရန်...