ပဒေသရာဇ်စနစ် တော်လှန်ရေး။

ပထမကမ္ဘာစစ်အပြီးတွင် ဥရောပနိုင်ငံများသည် စီးပွားရေးကျဆင်းလာမှုကြောင့် ဗြိတိသျှ ကိုလိုနီအုပ်ချုပ်မှု အောက်ရောက် မြန်မာပြည်ကိုလည်း အထွေထွေအကျပ်အတည်းများ ရိုက်ခတ်လာသည်။ စီးပွားရေးကျပ်တည်း မှုကြောင့် နယ်ရှင်စော်ဘွားများလည်း ခါတိုင်း ထက် အခွန်ကို (၅ဝ)ရာခိုင်နှုန်း တိုးမြင့်ကောက်ခံသဖြင့် သေမထူး နေမထူးဆင်းရဲသား ပြည်သူများသည် ပဒေသရာဇ်စနစ်ကို တော်လှန်လိုသော စိတ်ဓါတ်ပြင်းပြလာကြသည်။

ပဒေသရာဇ်မင်းများသည် အခွန်မဆောင်နိုင်သော ရွာများမှ ရွာသူရွာသားများအား ဖမ်းဆီး နှိပ်စက်ခြင်း၊ အိမ်ရှိ ပစ္စည်းအသုံးအဆောင်များကို သိမ်းယူသည့်အပြင် နောက်ဆုံးတွင် ရွာများကိုပါ မီးရှို့ဖျက်ဆီးခဲ့သည်။

ထိုလုပ်ရပ်များကို မခံမရပ်နိုင်သည့် ဖြားတန်ကောင်ခဲက ဖိနှိပ်ညှင်းပမ်းမှုများကို တွန်းလှန် ကြရန် ၁၉၂၉ ခုနှစ်တွင် စတင် နိုးဆော်စည်းရုံးခဲ့သည်။ ပင်လုံနယ် ဟွေးဟွမ်းပအိုဝ်းရွာကို မီးရှို့ရာမှ လူထုများက မခံမရပ်နိုင် ဖြစ်လာပြီး ရရာလက်နက်များကို စွဲကိုင်၍ ပဒေသရာဇ် စနစ်ကို ပြန်လှန်ခုခံခဲ့ကြသည်။ ပဒေသရာဇ် စနစ် တော်လှန်မှုအရှိန်အဟုန်သည် ပင်လုံနယ်၊ လဲချားနယ်သာမက အခြားနယ်များပါ ကူးစက်ပျံ့နှံ့လာသည်။ လဲချား စော်ဘွားက ဖြားတန် ကောင်ခဲ၏ ဦးခေါင်းကို ရပါက ဆုငွေ ၅ဝဝ ကျပ်ပေးမည်ဟု ကြေငြာခဲ့သည်။ ဖြားတန် ကောင်ခဲဦးဆောင်သော တော်လှန်ရေးအင်အား ၃၂ ဦးသည် ဓါးလွယ်ကိုစီဖြင့် မြင်းစီးပြီး ပင်လုံဈေးအတွင်း ပဒေသရာဇ်အခွန်ကောက်ခံပေးသူ ဟိန်ထွန်းအား လိုက်လံခုတ်ဖြတ် ခဲ့သည်။ ဖြားတန်ကောင်ခဲက လွိုင်လင်ဝန် ထောက်၏ လာတောင်းပန်မှုကို လက်မခံဘဲ ပယ်ချခဲ့သည်။

ထိုကြောင့် စော်ဘွားများသည် ၎င်းတို့၏ ပဒေသရာဇ်ကောင်စီတွင် ညှိနှိုင်းကြပြီး ပအိုဝ်းတိုင်းရင်းသားများက နိုင်ငံတော်ကို ပုန်ကန်သည်ဟု စွပ်စွဲခဲ့သည်။ ထိုစွပ်စွဲချက်ကြောင့် အခြေအနေပို၍ တင်းမာလာပြီး နောက်ဆုံး တွင် စော်ဘွားများက အင်္ဂလိပ်အစိုးရထံ လက်နက်နှင့် စစ်ကူများတောင်းခံခဲ့ရသည်။ အဆိုပါ ပဒေသရာဇ်စနစ် တော်လှန်ရေးသည် လဲချားစော်ဘွားက မိမိ၏လက်အောက်စော်ဘွား ပုလိပ်များသာမက အင်္ဂလိပ်မျက်နှာ ဖြူတို့ အုပ်ချုပ်သော ကုလားတပ်များကိုပါ အကူအညီခေါ်ယူပြီး ပအိုဝ်း ကျေးရွာများအား မြေလှန်ပစ်စနစ်ဖြင့် ရက်ရက် စက်စက်နှိပ်နှင်းခဲ့ကြသည်။ ပထမအကြိမ် ပဒေသရာဇ်တော်လှန်ရေးသည် လက်နက်အင်အား၊ လူအင်အား မမျှတခြင်းကြောင့် နောက်ဆုံးတွင် ဖြားတန်ကောင်ခဲ ဦးဆောင်သော ပထမပဒေသရာဇ်တော်လှန်ရေးသည် အရေးနှိမ့်ခဲ့ရသည်။

ထိုနောက် ၁၉၄၉ ခုနှစ် သြဂုတ်လ(၁၃)ရက်နေ့တွင် နော်ဆိုင်းဦးဆောင်သော ကချင်တပ်၊ ကာနယ်အက်စသိမ်း ဦးဆောင်သော ကရင်တပ်နှင့် ဗိုလ်ကြီးပန်းမောင် ဦးဆောင်သော ပအိုဝ်းတပ်တို့ပူးပေါင်းကြပြီး ရှမ်းပြည်နယ်မြို့ တော်တောင်ကြီးကို သိမ်းပိုက်လိုက်သည်။ တောင်ကြီးမြို့ကို သုံးလကြာသိမ်းပိုက်ပြီးနောက် နိုဝင်ဘာလ(၂၃) ရက်နေ့တွင် ပြည် ထောင်စုအစိုးရတပ်က ပြန်လည်သိမ်းယူသောအခါ ပအိုဝ်းတပ်များသည် တောင်ကြီးမြို့ တောင်ဘက်သို့ ဆုတ်ခွာခဲ့သည်။ ထို့နောက် ၁၉၄၉ ခုနှစ် ဒီဇင်ဘာလ(၁၁)ရက်နေ့တွင် “ပအိုဝ်းအမျိုးသား လွတ်မြောက်ရေးအဖွဲ့(ပအလဖ)”ကို ဖွဲ့စည်း၍ ဒုတိယအကြိမ် ပဒေသ ရာဇ်တော်လှန်ရေးကို ဆင်နွဲရန် စော်ဘွား များကို စတင်စစ်ကြေငြာခဲ့သည်။

ပြည်ထောင် စုအစိုးရ၏ ပြည်တွင်းဆူပူမှုငြိမ်းချမ်းရေးကမ်းလှမ်းချက်ကြောင့် ၁၉၅ဝ ခုနှစ် ဇူလှိုင်လတွင် ဗိုလ်ဟိန် မောင်နှင့် ဗိုလ်ချန်ဇုံ ဦးဆောင်သော ပအလဖအဖွဲ့သည် ပထမအကြိမ် ပြည် ထောင်စုတပ်၏ ငြိမ်းချမ်းရေးကမ်း လှမ်းချက်ကို သဘောတူခဲ့သည်။ သို့သော်လည်း စော်ဘွားများသည် လွတ်လပ်ရေးအချုပ်အချာအာဏာကို အလွဲသုံးစားပြုကာ အခွန်များကို မတရားကောက်ခံလာကြပြန်သည်။ အခွန်မဆောင်နိုင်လျှင် ပြည်ထောင်စုရန် သူဟူ၍ ပြည်ထောင်စုအစိုးရနှင့် လှည့်တိုက်ပေးသည်။ အခွန်မဆောင်နိုင်သူများကို ပြည်ထောင်စု ကို ဖြိုခွဲသူ အဖြစ် ပြည်ထောင်စုအစိုးရထံ တိုင်တန်းကြသည်။ ၁၉၅၁ ခုနှစ် ဇန္နဝါရီလ (၂၁)ရက်နေ့တွင် စော်ဘွားများစိုး ရိမ်မှုဖြင့် ဗိုလ်ချန်ဇုံကို ရုတ်တရက်ဖမ်းဆီးပြီး မန္တလေး ထောင်သို့ပို့လိုက်သည်။ ထောင်မှလေးလကြာသောအခါ ပြန်လွတ်လာသော ဗိုလ်ချန်ဇုံ သည် အလင်းဝင် ပအလဖရဲဘော်များနှင့်အတူ အစိုးရအပေါ်မယုံသင်္ကာသဖြင့် တောပြန်ခို ခဲ့သည်။

တရုတ်နိုင်ငံတွင် ကွန်မြူနစ်ပါတီသည် ကိုမင်တန်အစိုးရကို နှစ်ရှည်ကြာတော်လှန်ခဲ့ရာမှ ၁၉၄၉ ခုနှစ် အောက် တိုဘာလတွင် တပြည်လုံးကို အောင်ပွဲခံခဲ့သည်။ ထိုကြောင့် စစ်ရှုံး ကိုမင်တန်တပ်များသည် နယ်နိမိတ်ကို ဖြတ် ကျော်၍ ရှမ်းပြည်နယ်အရှေ့ပိုင်းသို့ ဝင်ရောက်လာပြီး တဖြည်းဖြည်းဖြင့် သံလွင်မြစ်အရှေ့ပိုင်းသာမက ရှမ်း-ကယားနယ်စပ် ကန္တူကြီးဒေသအထိ ကျူးကျော်ဝင်ရောက်လာသည်။

တနေ့တခြားကြီးထွားလာသော တရုတ်ဖြူတပ်မျာကို တားဆီးနိုင်ရန် ရှမ်းပြည်နယ် (၂၂)နယ်ကို ၁၉၅၂ ခုနှစ် အောက်တို ဘာလတွင် နိုင်ငံတော်သမ္မတက စစ်အုပ်ချုပ်ရေးကြေငြာခဲ့သည်။ ပဒေသရာဇ်ကို ဆန့်ကျင် တော်လှန်နေသည့် ပအလဖ တပ်များလည်း ပဒေသရာဇ်စနစ်ထက် ပို၍အရေး ကြီးသော ပြည်ပကျူးကျော်သူ တရုတ်ဖြူများကို အဓိကထားတိုက်ထုတ်ခဲ့ရသည်။ ၁၉၅၄ ခုနှစ် ဖေဖော်ဝါရီလတွင် ဘုရင့်နောင်စစ်ဆင်ရေးနှင့် ရန်ကြီးအောင်စစ်ဆင်ရေးဖြင့် ဗိုလ်မှူး ချုပ်ကျော်ဇော ဦးဆောင်သော ပြည်ထောင်စုတပ်က တရုတ်ဖြူများကို ထိုင်း-မြန်မာ နယ်စပ်အထိ တိုက်ထုတ်နိုင်ခဲ့သည်။ ထိုနှစ် ဇူလှိုင်လ(၃၁)ရက်နေ့တွင် ရှမ်းပြည်နယ် စစ်အုပ်ချုပ် ရေးကို ပြန်ရုပ်သိမ်းခဲ့သည်။

၁၉၅၈ ခုနှစ်တွင် ပအမဖ အမှုဆောင် ဦးဖြူနှင့် ဦးကျော်စိန် တို့ပြန်လည်လွတ်မြောက် လာပြီး တောတွင်းပအိုဝ်း လက်နက်ကိုင် ပအလဖနှင့် ငြိမ်းချမ်းရေးအတွက် ဆွေးနွေးခဲ့ သည်။ ထိုနှစ် မေလ(၅)ရက်နေ့တွင် ပအလဖအဖွဲ့ လူအင်အား(၁ဝဝဝ)က ပြည်ထောင်စု အစိုးရ၏ ဒုတိယအကြိမ် ငြိမ်းချမ်းရေးကမ်းလှမ်းချက်ကို သဘောတူခဲ့သည်။

မှတ်ချက်
အထက်ပါစာသည် အောက်ဖော်ပြပါ ကျမ်းကိုးကို ထုတ်နုတ်ပြီးမှ ဆီလျှော်အောင် ပြန်ရေး ထားခြင်းဖြစ်သည်။

ကျမ်းကိုး

ကိုယ်တိုင်ရေးအတ္ထုပတ္တိ ပထမတွဲ၊ ဗိုလ်မှူးချုပ်ဟောင်းကျော်ဇော်၊ ပထမအကြိမ် ၂၀၀၆။ စာ- ၂၆၄၊ ၂၆၇
၁၉၅၈-၁၉၆၂ မြန်မာနိုင်ငံရေးဒုတိယတွဲ ဒေါက်တာကြည်မြင့်နှင့် ဒေါက်တာ နော်အင်ဂျလင်း ပြုစု၊ ၁၉၉၁ ဇွန်လ၊ ပထမအကြိမ်
ပအမဖ စတုတ္ထအကြိမ်မြောက်သို့ တင်သွင်းမည့် ဗဟိုအလုပ်အမှုဆောင်၏ အစီရင် ခံစာမူကြမ်း။
ပြည်ထောင်စုထဲ့က ပအိုဝ်း၊ ပအိုဝ်းအမျိုးသားအဖွဲ့ချုပ် (ပီအဲန်အို) ထုတ်ဝေ၊ ပထမအကြိမ် ၂၀၀၇

မှတ်ချက်။ ။ ခွိုပအိုဝ်းစာမျက်နှာမှ ပြန်လည်ကူးယူဖေါ်ပြထားခြင်းဖြစ်သည်။

ဆက်ဖတ်ရန်...

ပဒေသရာဇ်စနစ် ဆန့်ကျင်ရေး

၁၉၃၈ ခုနှစ်ခန့်မှစ၍ ရှမ်းပြည်မှ လူငယ်အချို့သည် နိုင်ငံရေးအသိစိတ်ဓါတ် နိုးကြား လာကာ ကိုတင်အေးနှင့် ကိုဘမောင် စသည့် ရှမ်းလူငယ်များက ဦးစီး၍ အလင်းရောင် စာကြည့်တိုက်ဖွင့်လှစ်ခြင်းကြောင့် နိုင်ငံရေး စာပေများ ပိုမိုပျံ့နှံ့လာခဲ့သည်။ ဒုတိယကမ္ဘာ စစ်အတွင်း ၁၉၄၂ ခုနှစ် မေလတွင် မြန်မာတစ်ပြည်လုံးကို ဖက် ဆစ်ဂျပန်က သိမ်းယူခဲ့ သည်။ ၁၉၄၃ ခုနှစ်တွင် ဂျပန်အစိုးရသည် မြန်မာပြည်ကို လွတ်လပ်သော နိုင်ငံအဖြစ် ကြေငြာကာ ရှမ်းပြည်နယ်များကို မြန်မာနိုင်ငံအတွင်းသို့ တည့်သွင်းလိုက်သည်။

ထိုအုပ်ချုပ်ရေးသစ်ကြောင့် ရှမ်းပြည်ရှိ နိုင်ငံရေးနိုးကြားသော လူငယ်များသည် ပြည်မနိုင်ငံရေး သမားများနှင့် ပူးပေါင်းပြီး လွတ်လပ်ရေးအတွက် လှုပ်ရှားလာကြသည်။ ၁၉၄၆ ခုနှစ် ဖေဖော်ဝါရီလ(၈)ရက်နေ့တွင် ဖဆပလ အဖွဲ့ချုပ်အမှုဆောင်များနှင့် ပအိုဝ်းအမျိုးသား ဦးဘတင်အပါအဝင် ရှမ်းပြည်ကိုယ်စားလှယ်(၁ဝ)ဦး တွေ့ဆုံဆွေး နွေးခဲ့သည်။ နိုးကြား တက်ကြွသော ဦးတင်အေးနှင့် ရှမ်းလူငယ်များ လှုပ်ရှားမှုကြောင့် ၁၉၄၆ ခုနှစ် စက်တင်ဘာ လ(၂ဝ)ရက်နေ့တွင် “ရှမ်းပြည်လွတ်လပ်ရေးအဖွဲ့ချုပ်(ရပလ)”ကို ဖွဲ့စည်းနိုင်ခဲ့ သည်။ ဤအဖွဲ့၏ အဓိက ဦးတည် ချက်မှာ ဗြိတိသျှနယ်ချဲ့လက်အောက်မှ လွတ်မြောက် ရေးနှင့် ပဒေသရာဇ်စနစ်လက်အောက်မှ လွတ်မြောက် ရေးတို့ဖြစ်သည်။

ရှမ်းပြည်သည် ဒုတိယကမ္ဘာစစ်အပြီး၌ ရှမ်းပြည် ပြည်သူ့ရဲဘော်အဖွဲ့၊ ကျောင်းသားသမဂ္ဂ၊ အလုပ်သမားသမဂ္ဂ၊ တောင်သူလယ်သမားသမဂ္ဂ၊ လူငယ်အစည်းအရုံး၊ အမျိုးသမီးအဖွဲ့၊ ဘတ်စ်ကားသမဂ္ဂ စသောလူထု လူတန်းစား အဖွဲ့ ပေါ်ပေါက်လာခဲ့သည်။ ထိုနည်းတူ ၁၉၄၆ တွင် ဦးဘိုးခင် ဦးဆောင်မှုဖြင့် ပအိုဝ်းအမျိုးသားကို ကိုယ်စားပြု သည့် “ပအိုဝ်းလွောင်း ဗူးအဖွဲ့” လည်းပေါ်ပေါက်လာသည်။ ၁၉၄၇ ခုနှစ် ဖေဖော်ဝါရီလတွင် ကျင်းပသော ဒုတိယ ပင်လုံညီလာခံကို တက်ရောက်လာသော တောင်ကြီးမှ ပြည်သူ့ရဲဘော်များ၊ ကျောင်းသူ ကျောင်းသားများ၊ ရပလ အဖွဲ့ဝင်များ စသည်ဖြင့် လွတ်လပ်ရေးရရှိရေး၊ တောင်တန်း မြေပြန့်ညီညွတ်ရေးနှင့် ပဒေသရာဇ်စနစ် ပျက်စီးရေး ဟူ၍ ကြွေးကြော်ကြသည်။ ထိုအချိန် တွင် ပဒေသရာဇ်စော်ဘွားဆန့်ကျင်ရေး၌ အဓိကဦးဆောင်သူများမှာ ရှမ်းပြည် ပြည်သူ့ ရဲဘော်တပ်ဖွဲ့နှင့် ရပလ အဖွဲ့များဖြစ်သည်။ သို့သော်လည်း ပြည်မနှင့်အတူ လွတ်လပ် ရေးရရှိရေးကို ရှေ့တန်းတင်ခဲ့ရသည့်အတွက် လွတ်လပ်ရေးမရမှီ စော်ဘွားနှင့် ပြေလည် အောင်ဆက်ဆံခဲ့ကြရသည်။ လွတ်လပ်ရေးကို အဓိကထားပြီး စော်ဘွားများနှင့် လက်တွဲ ခြင်းကို မကျေနှပ်သော ရပလ အဖွဲ့ဝင် တချို့သည် ရပလမှ ခွဲထွက်ကာ ရှမ်းပြည်သစ် အဖွဲ့ကို တည်ထောင်ခဲ့သည်။ ဤအဖွဲ့တွင် ကိုဘရီနှင့် ကိုစံတင်တို့ ဦးဆောင်၍ မိုးမိတ်မှ လူငယ်အများအပြား ပါဝင်ခဲ့သည်။ ပဒေသရာဇ်စော်ဘွားများ ဆန့်ကျင်လှုပ်ရှားမှုသည် နယ်ချဲ့ဆန့်ကျင်ရေး လှုပ်ရှားမှုနှင့်အတူ ပေါ်ပေါက်လာခဲ့သော်လည်း လွတ်လပ်ရေးကို အဓိကဦးစားပေး ခြင်း ကြောင့် ပဒေသရာဇ်ဆန့်ကျင်ရေး အင်အားစုမှာ အကွဲကွဲအပြားပြား ဖြစ်ခဲ့ကြရသည်။

၁၉၄၇ ခုနှစ် စက်တင်ဘာလတွင် တတိယအကြိမ်မြောက် တိုင်းပြုပြည်ပြုညီလာခံကျင်းပ၍ မြန်မာနိုင်ငံ၏ ဖွဲ့စည်း အုပ်ချုပ်ပုံအခြေခံဥပဒေကို အတည်ပြုနိုင်ခဲ့သည်။ ဤဖွဲ့စည်း အုပ်ချုပ် ပုံအခြေခံဥပဒေအရ ရှမ်းပြည်နယ်နှင့် ပတ်သက်၍ စော်ဘွားများမှာ မိမိတို့နယ်ပယ်၌ အုပ်ချုပ်ခွင့်၊ တရားစီရင်ခွင့်၊ အခွန်ကောက်ခံခွင့်အာဏာများကို ဆက်လက်ရရှိပြန်သည်။ ထိုပြင် ယခင်က မရဖူးသော ဥပဒေပြုအာဏာကိုပါ လက်ဝယ်ရရှိလိုက်ကြသည်။ ဤသို့ဖြင့် လွတ်လပ်သော မြန်မာနိုင်ငံတွင် စော်ဘွားများက ပဒေသရာဇ်အခွင့်အရေး အာဏာများ အပြည့်အဝရ ရှိလာကြသည်။ ထိုကြောင့် ရပလ အဖွဲ့က ဤဖွဲ့စည်းပုံကို ပြင်းထန်စွာကန့် ကွက်ကြသည်။ ရပလ အဖွဲ့သည် ဖဆပလ အဖွဲ့ကို အားကိုးသည်မှာ လွဲမှားကြောင်း ၁၉၄၈ ခုနှစ် ဇန္နဝါရီလ (၃)ရက်နေ့တွင် ပထမအကြိမ် ရှမ်းပြည်နယ်ကောင်စီ ဥက္ကဋ္ဌ ရွေးကောက်ပွဲ၌ ကြုံတွေ့ခဲ့သည်။ ဤရွေးကောက်ပွဲသည် စော်ဘွား(၁၁)ဦး၊ ပြည်သူ့ ကိုယ်စား(၁၁)ဦး၊ ကချင်ကိုယ်စားလှယ်(၂)ဦးနှင့် ကိုးကန့်စော်ဘွားတရုတ်အမျိုးသား(၁)ဦး စုစုပေါင်း (၂၅)ဦးတို့ပါဝင်သော ရှမ်းပြည်နယ်ကောင်စီ ဥက္ကဋ္ဌရွေးကောက်ပွဲအတွက် မိုးမိတ် စော်ဘွားကြီး စဝ်ခွန်ချိုနှင့် ပြည်သူ့လွတ်တော်အမတ် ဦးထွန်းမြင့်(လင်းခေး)အပါအဝင် ယှဉ်ပြိုင်ကြသည်။ မဲစနစ်ဖြင့် ရွေးချယ်ခဲ့ရာ ဦးထွန်းမြင့်က အနိုင်ရ၍ ပြည်နယ်ဥက္ကဋ္ဌ ဖြစ်လာခဲ့သည်။ သို့သော်လည်း ဝန်ကြီးချုပ်ဦးနုသည် ဦးထွန်းမြင့်ကို ပြည်နယ်ဥက္ကဋ္ဌမှ ဖြုတ်ချပြီး စဝ်ခွန်ချိုကို ပြည်နယ်ဥက္ကဋ္ဌအဖြစ် ခန့်အပ်ခဲ့သည်။

၁၉၅ဝ ခုနှစ် သြဂုတ်လ(၂၂)ရက်နေ့တွင် ယခင်က ဖွဲ့စည်းသော “ပအိုဝ်းလွောင်းဗူးအဖွဲ့”မှ “ပြည်ထောင်စု ပအိုဝ်းအမျိုးသားအဖွဲ့ချုပ် (ပအမဖ)” ဟူ၍ ပြင်ဆင်ဖွဲ့စည်းခဲ့သည်။ ၎င်း၏ ဦးတည်ချက်မှာ ပဒေသရာဇ်စနစ် ဆန့်ကျင်ရေးနှင့် ဒီမိုကရေစီရေးဖြစ်ပြီး ပအိုဝ်းအမျိုးသား ရေးအတွက် ဥပဒေဘောင်အတွင်း လှုပ်ရှားလာခဲ့လေ သည်။ ဤအဖွဲ့၏ ဥက္ကဌ ဦးဘိုးခင်နှင့် အတွင်းရေးမှူး ဦးဖြူနှစ်ဦးလုံးမှာ ရှမ်းပြည်နယ်ကောင်စီဝင်များ ဖြစ်လေ သည်။ ဒီဇင်ဘာလ (၄)ရက်နေ့တွင် ပအမဖ ဦးဆောင်မှုဖြင့် တောင်တန်းဒေသ ပအိုဝ်းလူထုဆန္ဒပြပွဲကြီး တစ်ရပ် ကျင်းပခဲ့သည်။ ထိုဆန္ဒပြပွဲ၌ ပဒေသရာဇ်စနစ်အလိုမရှိ၊ ပအိုဝ်းအရေးချက်ချင်းပေး၊ ပြည်ထောင်စုတည်မြဲပါစေ၊ ဒီမိုကရေစီအရေးတို့အရေးစသဖြင့် ကြွေးကြော်ကြသည်။ လူထုတစ်သောင်းနီးပါးပါဝင်၍ တောင်ကြီးမြို့အတွင်း လှည့်လည်ဆန္ဒပြပြီး လူထုစည်းဝေး ပွဲညီလာခံကို တောင်ကြီးမြို့ဘောလုံးကွင်းတွင် ပြုလုပ်ခဲ့သည်။ ထို့ပြင် ထိုစည်းဝေးပွဲ၏ တောင်းဆိုချက်များနှင့် ပတ်သက်၍ အစီရင်ခံစာ တင်သွင်းချက်တစ်စောင်ကို ထိုစဉ်က ရှမ်း ပြည်နယ် ဝန်ကြီးတစ်ဦးဖြစ်သော ပအိုဝ်းဝန်ကြီး ဦးဘိုးခင်မှတဆင့် ပြည်ထောင်စု အစိုးရသို့ပေးပို့ခဲ့သည်။

ဤသို့လူထုဆန္ဒပြပွဲ၊ လူထုစည်းဝေးပွဲပြုလုပ်၍ စော်ဘွားများကို ဆန့်ကျင်မှုအရှိန်အဟုန် မြင့်မားလာခြင်းကြောင့် ၁၉၅၁ ခုနှစ် ဇန်နဝါရီလ ၉ ရက်နေ့၌ စော်ဘွားများသည် ပအိုဝ်း ခေါင်းဆောင်များကို ခေါ်ယူတွေ့ဆုံ၍ အပြန် အလှန်စေ့စပ်မှုများ ပြုလုပ်သည်။ သို့သော် ပအမဖ တို့၏ တောင်းဆိုချက်များအတိုင်း ပြုပြင်ဆောင်ရွက်မှုများ ဖြစ်ပေါ်မလာခဲ့ပေ။ ၁၉၅၂ ခုနှစ် ဖေဖော်ဝါရီလ(၂၈)ရက်နေ့တွင် ရှမ်းပြည်နယ် အနာဂါတ်တိုးတက်ရေးအတွက် အထူးစုံစမ်းရေးကော်မရှင်တစ်ရပ် နိုင်ငံတော်သမ္မတက ဖွဲ့စည်းထားကြောင်းကြေငြာခဲ့ သည်။ ထိုအထူးစုံစမ်းရေး ကော်မရှင်အဖွဲ့ကို ညောင်ရွှေစော်ဘွားကြီး စဝ်ရွှေသိုက်၏ လှုံ့ဆော်မှုကြောင့်ဖွဲ့စည်းထားသဖြင့် ပဒေသရာဇ် ဆန့်ကျင်ရေးအဖွဲ့များက ဆန့်ကျင်ဆန္ဒပြ ကြသည်။ ၎င်းကော်မရှင်ဖွဲ့စည်းရာတွင် ရှမ်းပြည်နယ်ကောင်စီနှင့် ဆွေးနွေးခြင်းမပြုဘဲ စော်ဘွားတို့၏ အလိုကျဖွဲ့စည်းထားသော ကော်မရှင်အဖွဲ့ဖြစ်သည်။ ပအမဖအဖွဲ့လည်း ဧပြီ လ(၁၂)ရက်နေ့၌ စည်းဝေးပွဲထိုင်ပြီး ဤကော်မရှင်၏ တွေ့ဆုံမေးမြန်းခြင်းကို လက်မခံ ကြရန် ဆုံးဖြတ်ချက် ချကြသည်။ ထို့ပြင် ဤအထူးစုံစမ်းရေးကော်မရှင်တွင် ပါဝင်သော ပုဂ္ဂိုလ်များကို လက်မခံနိုင်ကြောင်း လူထုဆန္ဒပြပွဲကျင်းပ၍ ကန့်ကွက်လှုပ်ရှားခဲ့ကြသည်။

နမ်းခမ်းအမတ် ဦးထွန်းအေး ဦးဆောင်၍ ပအိုဝ်းလူထုကိုယ်စားလှယ်၊ အင်းလေးလူထု ကိုယ်စားလှယ်၊ ကုန်သည် ပွဲစား၊ ကျောင်းသားလူငယ်များ၊ ပါဝင်သည့် ရှမ်းပြည်နယ် အုပ်ချုပ်ရေး အထူးစုံစမ်းရေးကော်မရှင် တိုက်ဖျက်ရေး အဖွဲ့ကို ဖွဲ့စည်းခဲ့သည်။ ဤအဖွဲ့ သည် ၁၉၅၂ ခုနှစ် မေလ(၂၂)ရက်နေ့တွင် တောင်ကြီးမြိုင့်္၌ လူထုအစည်း အဝေးပွဲကြီးနှင့် ဆန္ဒပြပွဲတစ်ရပ်ကို ကျင်းပခဲ့သည်။ ၎င်းစည်းဝေးပွဲသည် ရပ်စောက်၊ ပင်းတယ၊ ပွေးလှ၊ ဟိုပုံးနှင့် တောင်ကြီးနယ်ပေါင်းစုံမှ ရှမ်းပြည်နယ်တိုင်းရင်းသားများဖြစ်သော ရှမ်း၊ ဓနု၊ တောင်ရိုး၊ အင်းသား၊ လီရှော၊ ပအိုဝ်း၊ ဂေါ်ရခါးများအပါအဝင် လူထုနှစ်သောင်းကျော် တက်ရောက်ခဲ့ကြသည်။ ထိုလူထုအစီးအဝေးပွဲကြီးတွင် အဆိုသုံးရပ်တင်သွင်းဆုံးဖြတ် အတည်ပြုပြီးနောက် တောင်ကြီးမြို့တွင်း၌ “ပဒေသရာဇ်စနစ်အလိုမရှိ၊ စုံစမ်းရေး ကော်မ ရှင်အလိုမရှိ၊ ဒီမိုကရေစီအုပ်ချုပ်ရေးချက်ချင်းပေး” စသဖြင့် ကြွေးကြော်ကာ ရှမ်းပြည်နယ် များအစိုးရရုံး ရှိရာသို့ ချီတက်ဆန္ဒပြခဲ့ကြသည်။

၁၉၅၁ ခုနှစ် သြဂုတ်လ(၁၈)ရက်နေ့ကတည်းက တောင်ကြီးမြို့၌ ကျင်းပသော စော်ဘွား များအစည်းအဝေးတွင် စော်ဘွားများအုပ်ချုပ်ရေး အာဏာစွန့်လွတ်မည်ဟု ဆုံးဖြတ်ချက်ချ ခဲ့ကြသော်လည်း ၁၉၅၂ ခုနှစ် နိုဝင်ဘာလ (၂၅)ရက်နေ့ရောက်မှ ထိုဆုံးဖြတ်ချက်ကို ထုတ်ပြန်ကြေငြာခဲ့သည်။ သို့သော်လည်း ဝန်ကြီးချုပ်ဦးနုကြား ကန်ပေးမှုကြောင့် စော်ဘွား များသည် အုပ်ချုပ်ရေးအာဏာကိုချက်ချင်းမစွန့်လွတ်ဘဲ ဆက်လက်ချုပ် ကိုင်ခဲ့ သည်။ ဖဆပလအစိုးရသည် ပဒေသရာဇ်စော်ဘွားများ အာဏာစွန့်ရေးကို ထိထိရောက် ရောက်မကိုင်တွယ်ဘဲ စော်ဘွားများနှင့် ပြေလည်အောင် ညှိနှိုင်းပြီး ရှမ်းပြည်နယ်အရေးကို ခြယ်လှယ်ခဲ့သည်။ ပဒေသရာဇ် စနစ်ဆန် ကျင်ရေးစိတ်ဓါတ်ပြင်းထန်သော ပအမဖသည် စော်ဘွားအရေးနှင့် စပ်လျဉ်း၍ ဖဆပလကို လုံးဝမကျေနှပ်ခဲ့ကြပေ။ ပအမဖသည် ပအိုဝ်း လူမျိုးတစ်ယောက်ကျန်သည်အထိ တိုင်းရင်းသားပေါင်းစုံ ပဒေသရာဇ်စနစ်လက် အောက်မှ လွတ်မြောက်ရေးကို ရှေးရှုသွားမည်ဟု သံန္နိဌာန်ချ ကြွေးကြော်ထားသည့်အဖွဲ့ဖြစ်သည်။

ပဒေသရာဇ်စနစ် ဆန့်ကျင်တိုက်ဖျက်ရေးကို ပထမဦးဆုံးစတင်ဦးဆောင်ခဲ့သော ရှမ်းပြည် လွတ်လပ်ရေး အဖွဲ့ချုပ် (ရပလ) မြန်မာနိုင်ငံလွတ်လပ်ရေး ရပြီးကာလတွင် အကွဲကွဲ အပြားပြားဖြစ်သွားသည်။ ၁၉၅၂ ခုနှစ် တွင်းတွင် အင်းလေးညီညွတ်ရေးအသင်း (ယူအိုင် အေ)နှင့် ပြည်သူ့လွတ်လပ်ရေးအဖွဲ့(ရှမ်းပြည်) ပလရ တို့ပေါ် ပေါက်လာခဲ့သည်။ ၁၉၅၃ ခုနှစ် စက်တင်ဘာလတွင် ဖဆပလ ခေါင်းဆောင်လည်းဖြစ် ကာကွယ်ရေးဝန်ကြီး တာဝန် ယူထားသော ဦးဗဆွေသည် စော်ဘွားများဦးစီးသော တစညဖ အပါအဝင် ရှမ်းပြည်နိုင်ငံ ရေးအသင်း အဖွဲ့များကို ရန်ကုန်တွင် တွေ့ဆုံခဲ့သည်။ ၎င်းနောက် တစညဖ၊ ပလရနှင့် ပအမဖ ပါဝင်သော ရှမ်းပြည် လုံးဆိုင် ရာအဖွဲ့ချုပ် (ရပလဖ)ကို ဖွဲ့စည်းခဲ့သည်။ ရပလဖ ကို ဦးဗဆွေ ကမကထပြု၍ ဖွဲ့စည်းခဲ့ရာတွင် သက်ဆိုင်ရာ အဖွဲ့အစည်းများ၏ ခေါင်းဆောင် များနှင့်သာ ညှိနှိုင်းဖွဲ့စည်းခြင်းကြောင့် ပလရနှင့် ပအမဖ အဖွဲ့ဝင်များက မကျေ မနှပ် ဖြစ်ခဲ့ကြသည်။ ပအမဖ အဖွဲ့သည် ရပလဖ အဖွဲ့ချုပ်၏ ဖွဲ့စည်းစကပင် အဖွဲ့ချုပ်၏ အစီအစဉ်ကို မကျေနှပ်၍ အဖွဲ့ချုပ်မှ နှုတ်ထွက်ခဲ့သည်။ ၁၉၅၄ ခုနှစ် ဇွန်လတွင် ပအမဖ အမှုဆောင် ဦးဖြူ၊ ဦးကျော်စိန်နှင့် ဦးထွန်းရီတို့ကို ပုဒ်မ(၅)ဖြင့် ဖမ်းစီးခြင်းခံရပြီး မန္တလေးထောင်သို့ရောက်ခဲ့ရသည်။ ရပလဖ အဖွဲ့ချုပ်သည် ပဒေသရာဇ်စနစ် ပပျောက်ရေး လုပ်ငန်းကို ထိရောက်စွာ မဆောင်ရွက်နိုင်သောကြောင့် ၁၉၅၅ ခုနှစ်အတွင်း ပအမဖ အဖွဲ့က ရှမ်းပြည်၌ ဒီမိုကရေစီရှင်သန်ရေး၊ ရှမ်းပြည်အုပ်ချုပ်ရေးတစ်ခုလုံး ပြောင်းပစ် ရေးနှင့် စော်ဘွားများကြီး စိုးနေ သော ရှမ်းပြည်ကောင်စီကို ပြောင်းပစ်ရေး စသဖြင့် တောင်း ဆိုခဲ့သည်။ ပလရ သည် ပဒေသရာဇ်စနစ်ဆန့် ကျင်ရေး ဦးတည်ချက်ကို ကိုင်တွယ်ထား သဖြင့် စော်ဘွားဦးစီးသော တစညဖ အဖွဲ့၏ ခံယူချက်နှင့် မတူသဖြင့် များမကြာမီ စော်ဘွားများသည် ရပလဖ အဖွဲ့ကနေခွဲထွက်ပြီး ရှမ်းပြည်တောင်တန်းသား စည်းလုံး ညီညွတ်ရေး အဖွဲ့(ရတစညဖ)ဟူ၍ ဖွဲ့စည်းခဲ့သည်။

၁၉၅၃ ခုနှစ် ဇူလှိုင်လ(၁၇)ရက်နေ့တွင် စော်ဘွားများစည်းဝေးပွဲ တစ်ရပ်ကျင်းပခဲ့သည်။ ဤစီးဝေးပွဲတွင် စော် ဘွားများ အာဏာစွန့်ရေးအတွက် ၁၉၂၂ ခုနှစ်က ရရှိထားသော အခွန်တော်အတိုင်း နယ်မြေအလိုက် ၁၅ ရာခိုင် နှုန်း (သို့) ၂၅ ရာခိုင်နှုန်းအတိုင်း တွက်ချက်၍ ဂရုဏာငွေပေးရေး၊ လောင်းကစားဝိုင်းမှရရှိသော အခွန်ငွေ ၁၅ နှစ်စာပေးရေး စသည့်အချက်များအပါအဝင် တောင်းဆို ချက်(၁၇)ချက် တင်ပြခဲ့သည်။ သို့သော် ထိုတောင်းဆို ချက်ကို ရှမ်းပြည်နယ်ကောင်စီထံသို့ မတင်ပြသဖြင့် စော်ဘွားများ အာဏာ စွန့်ရေးသည် ပြည်မအစိုးရက တိုက်ရိုက်ကိုင်တွယ်သည်ကို ထင်ရှားနေသည်။ စော်ဘွား များလျော်ကြေးတောင်းဆိုချက်နှင့် စပ်လျဉ်း၍ ၁၉၅၆ ခုနှစ် ပြည်သူ့လွတ်တော် အစည်း အဝေးဆုံးဖြတ်ချက်ဖြင့် ပထမအရစ် ထောက်ပံ့ကြေး ငွေသိန်း ၅ဝ ကို ချမှတ် ပေးခဲ့သည်။ တဖန် ၁၉၅၇ ခုနှစ် စက်တင်ဘာလတွင် ပြည်သူ့လွတ်တော်အစည်းအဝေးက သိန်း ၅ဝ ဖြင့် ထပ်မံခွင့်ပြုခဲ့ပြန်သည်။ ဝန်ကြီးချုပ်ဦးနုသည် စော်ဘွားများ အာဏာစွန့်ရေး အပြီး သတ် ဆောင်ရွက်ပေးမည်ဟု ၁၉၅၇ ခုနှစ် စက်တင်ဘာလတွင် ကြေငြာခဲ့သည်။ စော် ဘွားများမနစ်နာအောင် ဂရုဏာကြေး သိန်း(၂ဝဝ) ထုတ်ပေးမည်ဟု ထဲ့သွင်းပြော ကြားခဲ့သည်။

၁၉၅၆ ခုနှစ်တွင် ညောင်ရွှေအရှေ့ဘက် မဲဆန္ဒနယ် ပအမဖ လွတ်တော်အမတ် ဦးအောင်သာနှင့် လုပ်ဖော်ကိုင် ဖက်များဖြစ်သော ဦးဟိန်မောင်၊ ဦးပေါင်းစင်ထွန်နှင့် ဦးကျန် တို့သည် လုပ်ကြံသတ်ဖြတ်ခြင်းခံခဲ့ရသည်။ ဖဆ ပလအစိုးရသည် ပဒေသရာဇ်စနစ် ပပျောက်ရေးကို ပြတ်ပြတ်သားသား မကိုင်တွယ်ဘဲ တိုင်းရင်းသားအချင်းချင်း သွေးကွဲ အောင်ဖန်တီးခြင်း၊ ဖမ်းဆီးသတ်ဖြတ်ဖြင်း စသဖြင့် ရှမ်းပြည်နယ်ရေးကိုခြယ်လှယ်ကာ ပြဿနာပိုကြီး ထွားစေခဲ့သည်။ ရှမ်းပြည် ပြည်သူ့လွတ်တော်အမတ်များနှင့် လူမျိုးစုလွတ် တော်အမတ်များဖြစ်သော စော်ဘွား များတို့သည် ဖဆပလ အစိုးရက ရှမ်းပြည်အရေး ကိုင်တွယ်ပုံကို မကျေနှပ်သူများ ပေါများတိုးပွားလာကာ အမတ်စုစုပေါင်း (၅ဝ)ဦးအနက် ပြည်ထောင်စုမှ ခွဲထွက်ရန် ဆန္ဒရှိသူ (၁၆)ဦးအထိရှိသည်ဟု ဦးလောရုံက ထိုအချိန်က ထုတ်သည့် နေးရှင်းသတင်းစာတွင် တင်ပြခဲ့သည်။ ၁၉၅၈ ခုနှစ် ဖဆပလ နှစ်ခြမ်း ကွဲခြင်း၏ နိုင်ငံ ရေးအခြေအနေသည် ရှမ်းပြည်သို့ရိုက်ခတ်ပြီး ပြဿနာပိုရှုပ်ထွေးလာခဲ့ သည်။ စော်ဘွားများနှင့် ဘက်တော် သားများသာ ပါဝင်သော စပ်ခွန်ချိုဥက္ကဋ္ဌအဖြစ် ခေါင်း ဆောင်သော ရတစညဖ သန်းရှင်းဖဆပလဦးနုကို ထောက်ခံလှုပ်ရှားခဲ့သည်။ နမ့်ခန်း ဦးထွန်းအေးဦးစီးသော ရပလဖ အဖွဲ့က တည်မြဲဖဆပလ ဦးဗဆွေကို ထောက်ခံပြီး ပဒေ သရာဇ်စနစ်ဆန့်ကျင်ရေး၊ စော်ဘွားအုပ်ချုပ်ရေးစနစ် တိုက်ဖျက်ရေးကို ပြင်းပြင်းထန်ထန် လှုပ်ရှားခဲ့သည်။

၁၉၅၈ ခုနှစ် အောက်တိုဘာလတွင် အိမ်စောင့်အစိုးရက အုပ်ချုပ်ရေးအာဏာရလာသည်။ ၁၉၅၂ ခုနှစ်က တည်းက စော်ဘွားများအာဏာစွန့်မည်ဟု ကြေငြာပြီး ဝန်ကြီးချုပ်ဟောင်း ဦးနုနှင့် လျော်ကြေးကိစ္စ သဘောတူ ညီမှုမရရှိ၍ စော်ဘွားများ၏ အုပ်ချုပ်ရေးအာဏာစွန့် ရေးမှာ အချိန်ကြန့်ကြာခဲ့ရသည်။ အိမ်စောင့်အစိုးရ လက် ထက်တွင် စော်ဘွားများနစ်နာ ကြေးအတွက် ပေးမည့်ငွေပမာဏစုစုပေါင်းမှာ နှစ်ကုဋ္ဋေ နှင့် လေးသန်းခန့် ရှိသည်။ ၁၉၅၉ ခုနှစ် ဧပြီလ(၂၄)ရက်နေ့တွင် ပအိုဝ်းစော်ဘွား စဝ်ခွန်ကြည်၏ သားစဝ်ခွန်အောင်မြင့် ကိုယ်စား ဒေါ်အေးသန့်အပါအဝင် စော်ဘွား(၃၃)ဦးက မိမိတို့၏ နယ်ပယ်အတွင်း အုပ်ချုပ် မှုနှင့် စီမံပိုင်ခွင့်အာဏာများကို ရှမ်းပြည်နယ်အစိုးရသို့ လွဲပြောင်းပေးကြောင်း တောင်ကြီး မြို့၌ သဘောတူစာချုပ် လက်မှတ်ထိုးခဲ့သည်။ ထိုအချိန်မှစ၍ ရှမ်းပြည်တွင် ပဒေ သရာဇ်စနစ်ချုပ်ငြိမ်းသွားခဲ့သည်။

မှတ်ချက်
အထက်ပါစာသည် အောက်ဖော်ပြပါ ကျမ်းကိုးကို ထုတ်နုတ်ပြီးမှ ဆီလျှော်အောင် ပြန်ရေးထားခြင်းဖြစ်သည်။

ကျမ်းကိုး

* ကိုယ်တိုင်ရေးအတ္ထုပတ္တိ ပထမတွဲ၊ ဗိုလ်မှူးချုပ်ဟောင်းကျော်ဇော်၊ ပထမအကြိမ် ၂၀၀၆။ စာ- ၂၆၄၊ ၂၆၇
* ၁၉၅၈-၁၉၆၂ မြန်မာနိုင်ငံရေးဒုတိယတွဲ ဒေါက်တာကြည်မြင့်နှင့် ဒေါက်တာ နော်အင်ဂျလင်း ပြုစု၊ ၁၉၉၁ ဇွန်လ၊ ပထမအကြိမ်
* ပအမဖ စတုတ္ထအကြိမ်မြောက်သို့ တင်သွင်းမည့် ဗဟိုအလုပ်အမှုဆောင်၏ အစီရင်ခံစာမူကြမ်း။
* ပြည်ထောင်စုထဲ့က ပအိုဝ်း၊ ပအိုဝ်းအမျိုးသားအဖွဲ့ချုပ် (ပီအဲန်အို) ထုတ်ဝေ၊ ပထမအကြိမ် ၂၀၀၇

ခွိုပအိုဝ်း စာမျက်နှာမှ ပြန်လည်ကူးယူ ဖေါ်ပြထားပါသည်။

ဆက်ဖတ်ရန်...

ပဒေသရာဇ်ရှမ်းပြည်။

အရင်းရှင်စနစ်မတိုင်မှီ ရောမခေတ် ကုန်ခါနီး အေဒီ(၆)ရာစုမှစ၍ ဥရောပအလယ်ပိုင်းတွင် လှည့်လည်နေ ထိုင်ကြသော ဟန်လူမျိုးများ၊ ကျူတန်လူမျိုးများသည် ရောမအင်ပါယာကို မကြာခဏဝင်ရောက် တိုက်ခိုက် ခဲ့ကြသည်။ အလယ်ခေတ်တွင်ကား ကျူတန်လူမျိုးတို့၏ ဒေသန္တရအလိုက် နယ်ပယ်ခွဲခြားအုပ်ချုပ်လာသော နည်းစနစ်လွမ်းမိုးလာခဲ့လေသည်။

ကျူတန်တို့သည် ရောမတို့၏ ဧကရာဇ်ဆန်သော လူနေမှုစနစ်ကို ဆန့်ကျင်ရာမှ ကာလ ကြာလာသောအခါ ကျူတန်တို့၏ ဒေသအလိုက်နေထိုင်အုပ်ချုပ်သောစနစ်နှင့် ရောမတို့၏ ဧကရာဇ်ဆန်သော နေထိုင်မှုစနစ် တို့ရောယှက်လာပြီး ပဒေသရာဇ်စနစ်တစ်မျိုး ဥရောပ တိုက်တစ်ခွေတွင် ပေါ်ပေါက်လာခဲ့ရသည်။ ပဒေသရာဇ် စနစ်သည် မြို့စား၊ နယ်စားများက ဗဟိုမြို့တော်ရှိ ဧကရာဇ်မင်းတစ်ပါးကို အထိမ်းအမှတ်အားဖြင့် အသိအမှတ် ပြုကြသည်။ သို့သော် နယ်အုပ်ချုပ်ရေးအာဏာကိုမူ ပဒေသရာဇ်မင်းများ၏ လက်ထဲတွင်သာ ထားရှိ ကြလေ သည်။

အင်းဝခေတ်တွင် ဟံသာဝတီဘုရင့်နောင်မင်းသည် ယိုးဒယား၊ ဇင်းမယ်၊ လင်းဇင်း အောင် နိုင်ပြီးနောက် ရှမ်း ပြည်နယ်စားပယ်စား ပဒေသရာဇ်များကို စော်ဘွား၊ မြို့စား၊ ရွှေခွန်မှူး၊ ငွေခွန်မှူး၊ ဟိန်၊ ထမုန်၊ ကြော့ စသည်ဖြင့် အဆင့်အတန်း သတ်မှတ်ခွဲခြားပေးခဲ့သည်။ ပဒေသရာဇ်စော်ဘွားများသည် ဗမာဘုရင်၏ သစ္စာတော်ကို ခံယူ ကြောင့် တစ်နှစ်တစ်ကြိမ် မင်းနေပြည်တော်သို့ အခစားဝင်ရောက်ခြင်း၊ လက်ဆောင်ပဏ္ဍာဆက်သခြင်း ပြုပြီး မိမိ တို့အုပ်ချုပ်သော နယ်ပယ်အတွင်းတွင် သက်ဦးဆံပိုင်စနစ်သဖွယ် အုပ်စိုးခဲ့သည်။ ကုန်း ဘောင်ခေတ် ရောက်သောအခါ မြန်မာနိုင်ငံကို ဗြိတိသျှနယ်ချဲ့တို့က ၁၈၂၄ မှ ၁၈၈၅ အထိ ကျူးကျော်စစ်သုံးကြိမ်ဖြင့် ဆင်နွဲပြီး ဗမာ့ဧကရာဇ်ဘုရင်စနစ်လည်း နိဂုံးချုပ်ခဲ့ရ သည်။ သို့သော်လည်း ရှမ်းပြည်နယ်တွင် ဗမာ့ဘုရင်၏ သစ္စာတော်ခံ ပဒေသရာဇ် စော်ဘွားများသည် ဆက်လက်ရှင်သန်လျက်ရှိသည်။

ဗြိတိသျှတို့သည် မြန်မာတစ်နိုင်ငံလုံးကို သိမ်းပိုက်နိုင်ပြီးနောက် ၁၈၈၆ ခုနှစ် မေလ(၄) ရက်နေ့တွင် ရှမ်းပြည်ကို အိန္ဒိယပြည်နယ်အဖြစ် သိမ်းပိုက်ကြောင်း ကြေငြာခဲ့သည်။ ၁၈၈၇ ခုနှစ်တွင် ရှမ်းပြည်တောင်ပိုင်း၊ ရှမ်းပြည် မြောက်ပိုင်း၊ မြေလတ်ပိုင်းဟူ၍ ပိုင်းခြားအုပ်ချုပ် ခဲ့သည်။ ၁၈၈၉ ခုနှစ် ဖေဖော်ဝါရီလ(၁)ရက်နေ့တွင် ရှမ်းပြည် နယ်များ လက်စွဲဥပဒေကို သတ်မှတ်ကြေငြာခဲ့သည်။ ထိုလက်စွဲဥပဒေဖြင့် စော်ဘွားများ၊ မြို့စားများ၊ ငွေခွန်မှူး များ တို့အား Sanad ခေါ်အမိန့်ဖြင့် Shan Shief ရှမ်းအကြီးအကဲအဖြစ် လက်ဖတင်နင် ဂါဝါနာက အသိအမှတ်ပြုခန့်ထားခဲ့သည်။ ၁၈၉၅ ခုနှစ် ဇူလှိုင်လတွင် ရှမ်းပြည်တောင်ပိုင်း နှင့် မြောက်ပိုင်းကို ဗြိတိသျှအုပ်ချုပ် ရေးအရာရှိ နှစ်ဦးခန့်အပ်ပြီး စော်ဘွားများအပေါ် ကြီးကြပ်အုပ်ချုပ်စေခဲ့သည်။ မြောက်ပိုင်းဆိုင်ရာအရေးပိုင်ရုံးကို လားရှိုး၌ သော်လည်း ကောင်း၊ တောင်ပိုင်းဆိုင်ရာအရေးပိုင်ရုံးကို တောင်ကြီး၌ သော်လည်းကောင်း ထားရှိခဲ့ သည်။

ဆာနာဒ် အမိန့်ဖြင့် ရှမ်းပြည်(၃၃)နယ်ကို ဗမာပြည်ဗြိတိသျှဝန်ကြီးများနှင့် ဥပဒေပြုလွှတ် တော်အပြင်ဘက်တွင် ထားရှိခဲ့သည်။ ပဒေသရာဇ်ရှမ်းပြည်သည် ဥပဒေပြုမှု၊ စံမံအုပ်ချုပ်မှု၊ တရားစီရင်မှု အာဏာများကို ဘုရင်ခံ လက်တွင်း၌သာ ထားရှိခဲ့သည်။ ၁၉၂၂ ခုနှစ် အောက်တိုဘာလ(၁)ရက်နေ့တွင် ရှမ်းပြည်နယ် တောင်ပိုင်းနှင့် မြောက်ပိုင်းကို ပေါင်း၍ ပဒေသရာဇ်ရှမ်းပြည်ဟု ကြေငြာသတ်မှတ်ခဲ့သည်။ ၁၉၂၃ ခုနှစ် မြန်မာပြည်မကို ဒိုင်အာခီ အုပ်ချုပ်ရေးတိုးမြင့်ပေးချိန်တွင် ပြည်မဥပဒေပြုကောင်စီက ပြုလုပ်သောအက်ဥပဒေများ သည် ပဒေသရာဇ်ရှမ်းပြည်ကို အာဏာသက်ရောက်ခြင်းမရှိခဲ့ပေ။ ထိုနည်းတူ ၁၉၃၇ တွင် မြန်မာပြည်အား(၉၁)ဌာန အုပ်ချုပ်ရေး ပြောင်းလဲတိုးမြင့်ပေးသောအခါလည်း ပဒေသရာဇ် ရှမ်းပြည်ကို အကျုံးမဝင်ခဲ့ပေ။ မြန်မာနိုင်ငံ လွတ်လပ်ရေးရသည်အထိ ပဒေသရာဇ်ရှမ်းပြည် သည် ဆက်လက်သီးသန့်ရှိခဲ့လေသည်။

ကျမ်းကိုး

* ပြည်ထောင်စု ပအိုဝ်းအမျိုးသားအဖွဲ့ချုပ် (ပအမဖ) စတုတ္ထအကြိမ်မြောက် တင် သွင်းမည့် ဗဟိုအလုပ် အမှုဆောင်အစီရင်ခံစာ မူကြမ်း
* ၁၉၅၈-၁၉၆၂ မြန်မာနိုင်ငံရေးဒုတိယတွဲ၊ ဒေါက်တာကြည်မြင့်နှင့် ဒေါက်တာ အယ်ဂျလင်း၊ ပထမအကြိမ်၊ ၁၉၉၁ ဇွန်လ။
* ပြည်ထောင်စုထဲ့က ပအိုဝ်း၊ ပအိုဝ်းအမျိုးသားအဖွဲ့ချုပ် (ပီအဲန်အို) ထုတ်ဝေ၊ ပထမအကြိမ် ၂၀၀၇။

မှတ်ချက်။ ။ ဤစောင်းပါးကို ခွိုပအိုဝ်း စာမျက်နှာ ပြန်လည်းကူးယူဖေါ်ပြခြင်းဖြစ်သည်။

ဆက်ဖတ်ရန်...

ပအိုဝ်းအမျိုးသား "မော်" (စာဟောဆရာ) ဓလေ့

ပြည်ထောင်စုမြန်မာနိုင်ငံတော်အတွင်း မှီတင်းနေထိုင်နေကြသည့် တိုင်းရင်းသားလူမျိုးများ အများစုမှာ ဗုဒ္ဓဘာ သာဝင်များ ဖြစ်ကြပြီး၊ လူမျိုးအလိုက် မိမိတို့၏စာပေ၊ စကား၊ ၀တ်စားဆင်ယင်ထုံးဖွဲ့မှုစသည့် မိရိုးဖလာရိုးရာ ယဉ်ကျေးမှုဓလေ့ထုံးတမ်းများ ရှိကြပါသည်။ စာပေ၊ စကား၊ ၀တ်စားဆင်ယင်ထုံးဖွဲ့မှုစသည့် ကိုယ်ပိုင်ယဥ်ကျေးမှုရှိကြသည့်တိုင်းရင်းသားများအနက် ပအိုဝ်းတိုင်းရင်းသားလည်းပါဝင်ပေသည်။ ပအိုဝ်းတိုင်းရင်းသား လူဦး ရေ၏ ၉၅ ရာခိုင်နှုန်းခန့်မှာ ဗုဒ္ဓဘာသာဝင်များ ဖြစ်ကြပါသည်။ မိဘဘိုးဘွားအစဉ်အဆက်ကပင် ဗုဒ္ဓဘာသာ ၀င်များဖြစ်ကြသောကြောင့် ပအိုဝ်းတိုင်းရင်းသားတို့သည် ဗုဒ္ဓဘာသာ သာသနာကို အလေးအမြတ်ထား၍ သက်ဝင်ယုံကြည် ကိုးကွယ်ကြသည်မက ဗုဒ္ဓသာသနာထွန်းကားပြန့်ပွားရန်အတွက် သာသနာပြုလုပ်ငန်းများ တွင်လည်း အားကြိုးမာန်သက် ဆောင်ရွက်ကြသည်။

ပအိုဝ်းတိုင်းရင်းသားတို့သည် သာသနာပြုလုပ်ငန်းဆောင်ရွက်ရာတွင် "ပအိုဝ်းမော်ဟွိုး" ဟုခေါ်သည့် ကွက်စိပ် ဓမ္မကထိကပုဂ္ဂိုလ်တို့သည်လည်း အဓိကနေရာတွင် ပါဝင်ကြပါသည်။ "မော်" ဆိုသည်မှာ မြန်မာဝေါဟာရ အားဖြင့် "အတတ်ပညာ" ဟုခေါ်ပြီး။ "ဟွိုး"ဆိုသည်မှာ "ဟောပြောခြင်း" ဟုအဓိပ္ပာယ်ရပါသည်။

ပအိုဝ်းတိုင်းရင်းသားတို့၏ "မော်" ဓလေ့၏ အတတ်ပညာမှာလည်း အမျိုးမျိုးရှိသည်။ ယင်းတို့မှာ
၁) မော်ဟွိုး .... ကွက်စိပ်ဓမ္မကထိက ဗုဒ္ဓတရားဟောသောပုဂ္ဂိုလ်
၂)မော်ဟော်လိတ်... ပအိုဝ်းဘာသာဖြင့်ပြန်ဆိုထားသော ဇာတ်နိပါတ်တော်များနှင့် တရားစာများကို ဟောတတ် ပြောတတ်သူ၊ စာဟောဆရာ
၃) မော်လူ ... နတ်ကိုးကွယ်၍ ဗေဒင်ကဲ့သို့သော အတတ်ပညာကို ဟောပြောတတ်သူ
၎) မော်တရျား ... ပယောဂ ကုဆရာ
၅) မော်မူး... လက်သည်မ စသည်တို့ဖြစ်ပါသည်။

ယခုဖေါ်ပြလိုသည်မှာ သာသနာပြုလုပ်ငန်းတွင် အကျွမ်းဝင်သော "မော်ဟွိုး" ၏ အကြောင်းအရာပြင်ဖြစ်သည်။ "မော်ဟွိုး" ဆိုသည့် ကွက်စိပ်ဓမ္မကထိကတရားဟော ပုဂ္ဂိုလ်တို့သည် လူပုဂ္ဂိုလ်များသာ ဖြစ်သော်လည်း ဗုဒ္ဓဘာ သာ သာသနာပြုလုပ်ငန်းများ ဆောင်ရွက်ရာတွင် ပါဝင်ဆောက်ရွက်မှုရှိသဖြင့် ဘုန်းတော်ကြီး ရဟန်း တို့၏ လက်သုံးတော်အဖြစ် အသိအမှတ်ပြုကြသည်။

"မော်" ဆရာတို့သည် ကာယကမ္မ၊ ၀စီကမ္မ၊ မနောကမ္မစသည့်အမှုတို့၌ ယဉ်ကျေးသိမ်မွေ့ကြသည်။ စကား အရာ၌လည်း ကြွယ်ဝသူများဖြစ်ကြသည်။ ရိုးရာ ဘာသာ သာသနာ ယဉ်ကျေးမှု ထိန်းသိမ်းရာ၌ အရေးပါအရာ ရောက်သောသူများလည်း ဖြစ်ကြပါသည်။

အဆိုပါ ပအိုဝ်းမော်ဟွိုး တို့သည် လွန်ခဲ့သောနှစ်ပေါင်းတရာကျော်ခန့် ခရာဇ်နှစ် ၁၈၃၀ မတိုင်မီကပင်ပေါ် ပေါက်ခဲ့ဟု ပညာကြွယ်ဝသောမော်ဟွိုးနှင့် လူကြီးများမှ ဆိုကြသည်။

မော်ဟွိုး ပုဂ္ဂိုလ်တို့သည် တောင်ကြီးမြို့နယ်အတွင်းရှိ မိုင်းပျိုးဒေသမှ စတင်ပေါ်ပေါက်ခဲ့ပြီးနောက်ပိုင်းတွင်၊ နောင်ဟိုင်း၊ ဆီဆိုင် (သထွုံလေး) ခွီဒေသများသို့ တဆင့်ပြီးတဆင့်ပြန်ပွားလာခဲ့သည်။ ထို့နောက်တွင်တဒေသမှ တဒေသသို့ပြန့်ပွားလာခဲ့ရာ နောက်ဆုံးတွင် ပအိုဝ်းတိုင်းရင်းသားများနေထိုင်ရာဒေသ အနှံ့အပြားတွင် မော်ဟွိုး များ ပြန့်နှံ့သွားတော့သည်။ ယခုထက်တိုင် ပအိုဝ်းမော်ဟွိုး ဓမ္မကထိကပုဂ္ဂိုလ် နှစ်ရာကျော်ခန့်ရှိပြီး သူတို့ ၏ဓမ္မတေးသံများလည်း ဆွတ်ပျံ့ဝေဆာလျက်ရှိနေပါသည်။

မော်ဟွိုးတို့သည် လောကုတ္တရာ စာပေများကို လေ့လာဖတ်မှတ်၍ သူ့ဘာသာအလိုအလျောက် မော်တစ်ဦး ဖြစ်လာနိုင်ဖွယ်မရှိပါ။ ၀ါရင့်မော်ဆရာကြီးတစ်ဦးဦးထံသို့ တပည့်အဖြစ်ချဉ်းကပ်၍ မော်ပညာများကို အပင်ပန်း ခံကာ အားသွန်ခွန်စိုက် ကြိုးစားသင်ယူမှသာလျင် မော်တစ်ဦးဖြစ်နိုင်ပါသည်။ မော်ပညာကို သင်ယူသော ပုဂ္ဂိုလ် များသည် ၀ါသနာအထုံနည်းပါးသောပုဂ္ဂိုလ်များအတွက် အောင်မြင်မှုလမ်းမရှိနိုင်ပေ။ အဘယ်ကြောင့်ဆိုသော် မော်ပညာသင်ယူစဉ် မိမိဆရာထံ၌ ၀တ်ကြီးဝတ်ငယ် ဆောင်ရွက်ဘွယ်ကိစ္စတို့ကို ပင်ပန်းစွာဆောင် ရွက်ပေးရ ပါသည်။ ဆရာခြေရင်းတွင် အနီးကပ်လုပ်ကျွေးရပါသည်။ မာန်မာနတရားကို အမြဲနှိမ့်ချရပါသည်။ မော်ပညာသင် ယူရာ၌ သင်ယူခများမပေးရသော်လည်း လူတိုင်းမသင်ယူနိုင်ပေ။ ငွေကြေးဓနပြည့်စုံသူတို့မှာ ဥစ္စာမာနကြောင့် ဆရာ့ထံတွင် အလုပ်အကျွေးမပြုလိုသဖြင့် ၀ါသနာအလွန့်အလွန်ရှိသောသူတို့သည်သာလျင် မော်ပညာကို တတ်မြောက်နိုင်ရန် အလားအလာရှိပါသည်။

မော် ပညာကို မသင်ယူခင် ပရိတ်ကြီး၊ ရှင်ကျင့်ဝတ်၊ သိင်္ဂါလောဝါဒ၊ လောကနီတိ၊ သဒ္ဒါ၊ င်္သဂြိုလ်စသည့် အခြေခံ ပညာရပ်များကို ရှေးဦးစွာတတ်ထားဖို့လိုပေသည်။ ထို့နောက်မှ ၀ါရင့်မော်ပညာရှိသူထံသို့ ချဉ်းကပ်၍ တပည့်ခံ ယူကာ မိမိဆရာအား ၀တ်ကြီးဝတ်ငယ်ဆောင်ရွက်ဘွယ်ကိစ္စအ၀၀တို့ကို အနီးကပ်လုပ်ကျွေးရင်း မော်ပညာကို ဆက်လက်သင်ယူရပါသည်။

မော်ပညာဆိုသည်မှာ အနန္တော အနန္တငါးပါးတို့ကို ရှိခိုးတိုင်တည်ရန် ဓမ္မလင်္ကာ၊ သူရဿတီကို တိုင်တည်ရန် အလင်္ကာစာပေများနှင့် ဓမ္မပဒ၊ ငါးရာငါးဆယ်နိပါတ်တော်၊ ဇိနတ္ထပကာသနီကျမ်း၊ သံဝေကဒီပနီ၊ မဟာဗုဒ္ဓ၀င် စသည့် ပိဋ္ဋကတ်ကျမ်းစာအမျိုးမျိုးတို့ကိုအတွင်းကျကျလေ့လာသင်ယူရပါသည်။ ကိုယ်အမူအရာနှင့် အနှိမ့်အမြင့် အတိုအရှည် ဒီဃ၊ ရဿ၊ ဂရုသံ၊ လဟုသံစသည်တို့ကို ပီသအောင်လေ့ကျင့်ယူရပါသည်။ ဤမျှတတ် မြောက်ရုံဖြင့် မော်ဆရာ မဖြစ်နိုင်သေးပေ။ ငါးပါးသီလ ခိုင်လုံအောင်စောင့်ထိန်းရသေးသည်။ မူးယာဇ်သေစာ သောက်စားခြင်း သူများအသက်သတ်ခြင်းစသည့် ငါးပါးသီလမလုံခြုံပါက မည်မျပြင်ပညာတတ်စေကာမူ မော်ဆ ရာဟု မည်သူမျအသိအမှတ်ပြုတော်မည်မဟုတ်တော့ပေ။ ထို့ကြောင့် မော်ပုဂ္ဂိုလ်တို့သည် ငါးပါးသီလကို ခါးဝတ် ပုဆိုးကဲ့သို့အမြဲစောင့်ထိန်းကြပြီး ဗြဟ္မာစိုရ်တရားလေးပါးကို လိုက်နာလေးစား၍ မာန်မာနနှိမ့်ချခြင်း၊ ဣနြေ္ဒ သိက္ခာရှိရှိဖြင့် သွားလာခြင်း၊ လူတကာကိုယဉ်ကျေးသိမ်မွေ့စွာ ပြောဆိုဆက်ဆံခြင်း စသည့်မော်ဥပဒေတို့ကို အမြဲလိုက်နာရပါသည်။

ဓမ္မကထိကမော်တစ်ဦးဖြစ်လာသည့်အခါ ဆေးမင်ကြောင်များကိုလည်း ထိုးရသေးသည်။ ဘုရားငါးဆူ၊ သူရ ဿတီ၊ မေတ္တာဓာတ်ပွင့်စသည့်ဆေးမင်ကြောင်များကို ရင်ဘတ်၊ လက်မောင်းစသည့်နေရာများတွင် ကတိသစ္စာ ခံယူ၍ ထိုးထားကြသည်။ ဤသို့ဆေးမြင်ကြောင်များထိုးထားရခြင်းသည် ကာမေသုမိစ္ဆာစာရ၊ သုရာမေရယ စ သည့်အကျင့်သီလများ မဖေါက်ပြားနိုင်စေရန် အတွက်ဖြစ်ပါသည်။

ဓမ္မကထိကမော်တစ်ဦးဖြစ်ပြီးသည့်အခါ လိုအပ်သောမော်တို့၏အသုံးကိရိယာများမှာ ပိုးခေါင်းပေါင်းတစ်ထည်၊ မော်ခမောက် (မော်ပုဂ္ဂိုလ်များ သုံးရန်အတွက် နှီးစသည်ဖြင့်ပျော့ပြောင်းစွာ ယက်လုပ်ထားသောခမောက် ဦးထုပ်တစ်မျိုး)၊ ပအိုဝ်းအ၀တ်အစားသန့်သန့်ပြန့်ပြန့်တစ်စုံ၊ ခြေအိပ်တစ်စုံ၊ ချွေးသုတ်ရန်သ ဘက်တစ်ထည် စသည်တို့ဖြစ်ပါသည်။

မော်တို့၏အခြေခံပညာနှင့် တရားစာအနည်းအကျဉ်းတတ်မြောက်လျင် ရှေးဦးစွာ ဆရာရှေ့တွင်၎င်း၊ မိမိနေ အိမ်၌၎င်း တရားဟော လေ့ကျင့်ရပါသည်။ ထို့နောက် ဆရာနှင့်လိုက်၍ ပွဲကြီးပွဲငယ်များတွင် တရားဟောရ ပါသည်။ ဓမ္မကထိကအရာ၌ကျွမ်းကျင်လိမ္မာရင့်ကျက်လာသောအခါ ဗုဒ္ဓသာသနာပြုလုပ်ငန်းအတွက် အားထားရ သော မော်ဟွိုးတစ်ဦးဖြစ်လာပါတော့သည်။

မော်ဟွိုးတို့၏တရားဟောပွဲများမှာ ရဟန်းခံရှင်ပြုပွဲ၊ ကျောင်းကန်ဇရပ်ရေစက်ချပွဲ၊ ဆွမ်းသွပ်ပွဲစသည့် သာရေး၊ နာရေးပွဲများတွင် ပွဲဒါယကာတို့၏ ပင့်ဖိတ်ချက်အရ ယင်းပွဲများနှင့် ဆက်စပ်သောတရားများကို ချီးမြင့်ဟော ကြားကြရသည်။ ရဟန်းခံ ရှင်ပြုပွဲစသည့် ပွဲကြီးများမှာ မော်ပုဂ္ဂိုလ်သုံးဦး လေးဦးပူးပေါင်း၍ အလှည့်ကျ တရား ဟောရပါသည်။ ဆွမ်းသွပ်ပွဲ အိမ်တက်မင်္ဂလာပွဲ စသည့်ပွဲငယ်များမှာ မော်တစ်ဦးနှစ်ဦးမျှသာ ဟောရပါသည်။ မော်ပုဂ္ဂိုလ်တစ်ဦးတရားဟောရာတွင် သုံးနာရီ လေးနာရီမျ ကြာသည်။ သူတို့၏တရားဟောခြင်းသည် သုံးလေး နာရီခန့်အချိန်ကြာသော်လည်း တရားနာပရိတ်သတ်တို့ ငြီးငွေ့ခြင်း၊ ပျင်းရိအိပ်ငိုက်ခြင်းမရှိပဲ စိတ်ဝင်စား လျက်ရှိကြသည်၊ ဤသို့ဖြစ်ရခြင်းမှာ ပအိုဝ်းတိုင်းရင်းသားတို့၏ ဒါနပြုပွဲ၊ အလှူပွဲများတွင် ဇာတ်သဘင်၊ အငြိမ့်စ သည့်ပျော်ပွဲရွှင်ပွဲပါဝင်လေ့မရှိသဖြင့် တရားနာခြင်းအမှုကိုသာ ပျော်ပွဲ ရွှင်ပွဲအဖြစ် ဖြစ်နေသောကြောင့် မည်မျှ ပင်အချိန်ကုန်ကြန့်ကြာသော်လည်း ငြီးငွေ့ခြင်းမဖြစ်ကြပေ။ အချို့ပွဲများတွင် တစ်ရက်နှင့်တည၊ နှစ်ရက်ဆက် တိုက် သုံးရက် စသဖြင့် နေ့စဉ်ညဆက် တရားပွဲများ ရှိကြသည်။
မော်ပုဂ္ဂိုလ်များ တရားဟောရာ၌ .....
၁) အနန္တောအနန္တငါးပါး (ဘုရား၊ တရား၊ သံဃာ၊ မိဘ၊ ဆရာ) တို့ကို ရှိခိုးခြင်း၊
၂)မတ်တတ်ရပ် အနန္တောအနန္တဂုဏဆုပတ္တနာကို အမွန်းတင်ဂုဏ်တော်ဖွင့်လင်္ကာနှင့် သူရဿတီကို တိုင်တည်ခြင်း၊
၃)ပြုလုပ်ဆဲအလှူပွဲနှင့် ဆက်စပ်သောအကြောင်းအရာများကို တရားခေါင်းစဉ်တပ်၍ အကျိုးအကြောင်း ရှင်းပြ ခြင်း၊
၎) တရားဟောခြင်း၊
၅) ၀တ္ထုသက်သေသာဓကတို့ကို ကွက်စိပ်အောင် ထုတ်ဖေါ်ဟောပြောခြင်း၊
၆) တရားဟော အနုမောဒနာပြု၍ အဆုံးသတ်ခြင်းဟူ၍ အပိုင်း (၆) ပိုင်းပါဝင်၏။ မော်ဟွိုး တရားပြီးဆုံး၍ အလှူပွဲ၏နောက်ဆုံး အစီအစဉ်အရ ဘုန်းတော်ကြီးများက တရားချီးမြင်ံဟောကြားပေးရသည်။
ပအိုဝ်းတိုင်းရင်းသားတို့သည် တောင်ယာအလုပ်ခွင်ထဲတွင် နေ့စဉ်အချိန်ကုန်နေရသဖြင့် ဗဟုသုတစာ ပေများ နှင့် အမြဲကင်းကွာနေရ၏။ လေ့လာဖတ်မှတ်ရန်လည်း အချိန်သိပ်မရှိကြသဖြင့် ဗဟုသုတနည်းပါး၍ နေကြရ သည်။ သို့သော်လည်းပဲ မော်ပုဂ္ဂိုလ်တို့သည် အလှူပွဲများတွင် အလုပ်သမားများ၏ဗဟုသုတစာအုပ်အဖြစ် အမြဲ တရားဟောပေးနေသဖြင့်၊ ဗဟုသုတတိုးပွားပြည့်စုံကြ၏။ ပညာရေး၊ လူမှုရေးစသည်တို့ကို သဘောသက် ၀င်လာကြ၏။
ပအိုဝ်းတိုင်းရင်းသားတို့ ကျင်းပသောပွဲများသည် ဗုဒ္ဓဘာသာနှင့် မကင်းကွာသဖြင့် ဗုဒ္ဓတရားတော်များကို အမြဲ ကြားနေကြရ၏။ ထို့ကြောင့် ပအိုဝ်းတိုင်းရင်းသားတို့သည် အနန္တော အနန္တကျေးဇူးဂုဏ်ကိုသိတတ်ခြင်း၊ ရတနာ သုံးပါးကိုကြည်ညိုခြင်း၊ ဖြူစင်ရိုးသားခြင်း၊ မှန်ကန်ဖြောင့်မတ်သောစိတ်ထားရှိခြင်း၊ ဗြဟ္မာစိုရ်တရားလက် ကိုင် ထားကြခြင်း၊ စေတနာ သဒ္ဓါဗလဖြင့် ပြည့်စုံခြင်းနှင့် ဒါနဘာဝနာများကျင့်ကြံ ပြုလုပ်ခြင်း စသည့်ဗုဒ္ဓသာသနာကို ချီးမြောက်ကြလေသည်။ အလေးအမြတ်ပြုကာ ကြည်ညိုကြသည်။

ပအိုဝ်းတိုင်းရင်းသားတို့၏ ဤကဲ့သို့ဗုဒ္ဓသာသနာအတွက်အားတက်ဖွယ်ဖြစ်ရခြင်းမှာ ပအိုဝ်းရဟန်းသံဃာတို့၏ လက်ရုံးတော်ဖြစ်သည့် နိဗ္ဗ္ဗာန်ဆော်ဓမ္မကထက "မော်ဟွိုး" တို့၏ ကျေးဇူးနှင့်မကင်းနိုင်ပေ။ ထို့ကြောင့် ကွက်စိပ် ဓမ္မကထိက "ပအိုဝ်းမော်ဟွိုး" တို့သည် တော်ပေါ်ဗုဒ္ဓဘာသာ သာသနာပြုလုပ်ငန်းတွင် အရေးပါသောအခန်း ကဏ္ဍတွင် ပါဝင်ပါသည်။ ။
မှတ်ချက်။ ။ "ဒဲဉ်သီးလက်ဆောင်း" စာစောင်မှ ခွန်အာကာ ရေးသားထားသည့်စောင်းပါးကို ကောက်နှုတ်ဘာ သာပြန်ထားပါသည်။

ဆက်ဖတ်ရန်...

ပအိုဝ်းအမျိုးသားနေ့သိမှတ်စရာ

အမျိုးသားနေ့ဆိုသည်မှာ လူမျိုးတစ်မျိုး (သို့မဟုတ်) နိုင်ငံတစ်နိုင်ငံထဲမှာရှိသည့် ပြည်သူလူထုတို့၏ ဘ၀ရပ် တည်နေနိုင်ရေးနှင့် ဖွံ့ဖြိုးတိုးတက်ရေးအတွက် ကျိုးစားရုန်းကန်နေရသည့် ကာလအတွင်း သမိုင်းတနေရာမှာ ကြုံတွေ့ခဲ့ရသည့် မမေ့နိုင်သောနေ့တစ်နေ့ဖြစ်သလို လူမျိုးအတွက် ဂုဏ်ယူဖွယ်ရာအဖြစ် ထူးခြားတဲ့ နေ့တစ်နေ့ လည်းဖြစ်ပါသည်။

ထို့နည်းတူစွာ ဒီနေ့ဒီအချိန်အခါမျိုးရောက်လာတိုင်း ကျွန်တော်တို့ပအိုဝ်းအမျိုးသားများအားလုံးအတွက် အထွဋ် အမြတ်ထားသည့် နေ့ထူးနေ့မြတ်ကြီးဖြစ်၍ အသိကိုယ်စီဖြင့် ရောက်လေရာအရပ်တိုင်းမှာ ကိုယ့်နည်းကိုယ့် ဟန်ဖြင့် ဂုဏ်ယူပွဲတွေ ပြုလုပ်ကျင်းပကြသည်။

တပေါင်းလပြည့်နေ့ကို ပအိုဝ်းအမျိုးသားနေ့အဖြစ် သတ်မှတ်ရသည့်အကြောင်းမှာ--
ဘီစီ (၆) ရာစု၊ မဟာသက္ကရာဇ် (၂) ခုနှစ်၊ တပေါင်းလပြည့်နေ့၊ စနနေ့တွင် နေထွက်စ လ၀င်ခါနီးအချိန်မှာ ရာဇာသက္ကမင်းကြီးနှင့် ကလျာဏဒေ၀ီမိဖုရားတို့၏ ရင်သွေးရတနာ သူရိယစန္ဒာမင်းသားကို ဖွားမြင်ခဲ့ ပါသည်။ သူရိယစန္ဒာမင်းသားသည် ခမည်းတော် နတ်ရွာစံပြီးနောက် တိုင်းပြည်ကိုမင်းအဖြစ် ဆက်ခံခဲ့သည်။ သူရိယ စန္ဒာမင်းကြီးလက်ထက်မှာ သုဝဏ္ဏဘူမိပြည် ပိုမိုဖွံ့ဖြိုးတိုးတက်လာသည့်အပြင်၊ မဇ္ဈိမဒေသဘက်၌ ဂေါတမ မြတ်စွာဘုရားလည်း ပအိုဝ်းတိုင်းပြည်ကို ကြွရောက်ခဲ့သည်။
သူရိယစန္ဒာမင်းကြီးသည် ပအိုဝ်းတမျိုးသားလုံး၏ ဂုဏ်ရောင်၊ ဂုဏ်သိက္ခာကို မြှင့်တင်ပေးခဲ့သည့် မင်းကောင်း မင်းမြတ်ဖြစ်၍ သူရိယစန္ဒာမင်းမြတ်၏မွေးနေ့ဖြစ်သည့် "တပေါင်းလပြည့်နေ့" ကို "ပအိုဝ်းအမျိုးသားနေ့" အဖြစ် သတ်မှတ်ခဲ့ကြသည်။
"ကျောင်,ထို" အစည်းအဝေးနဲ့ ပအိုဝ်းအမျိုးသားနေ့"
၁၉၇၆ ခုနှစ်၊ ဒီဇင်ဘာလ ဒုတိယပတ်မှ ဒီဇင်ဘာလ (၂၆) ရက်နေ့အထိ အမျိုးသားခေါင်းဆောင်ကြီး သထုံဦး လှဖေဦးဆောင်သည့် ပထမအကြိမ် ပအိုဝ်းအမျိုးသားညီလာခံ (လုံးဒါ) ကျင်းပချိန်အတွင်းမှာ တက်ရောက် လာသော ညီလာခံကိုယ်စားလှယ်များဆန္ဒအရ သူရိယစန္ဒာမင်းကြီး မွေးနေ့ဖြစ်သည့် တပေါင်းလပြည့်နေ့ကို ပအိုဝ်းအမျိုးသားနေ့အဖြစ် ဆုံးဖြတ်ချက်တရပ်ချခဲ့ကြသည်။

၁၉၇၇ ခုနှစ် နှစ်လယ်လောက်တွင် "ကျောင်,ထို" အရေးပေါ်အစည်းအဝေး၌ လုံးဒါညီလာခံမှ ဆုံးဖြတ်ချက် ချထားသည့် တပေါင်းလပြည့်နေ့ ပအိုဝ်းအမျိုးသားနေ့အတွက် အစည်းအဝေးကျင်းပပြီး ပြန်လည်ဆွေးနွေး ညှိနှိုင်းခဲ့ကြသည်။ ထိုအစည်းအဝေးမှ ရရှိလာသည့်အကျိုးရလာဘ်သည် လာမည့် ၁၃၃၉ ခုနှစ်၊ တပေါင်းလပြည့် (၁၉၇၈ ခုနှစ်၊ မတ်လ ၂၃ ရက်နေ့) တွင် ကျရောက်မည့် ပအိုဝ်းအမျိုးသားနေ့ကို ကန်တော်ကြီးမြို့နယ် "နောင်ယာသဲုင်," ကွင်းတွင် ကျင်းပပြုလုပ်ရန်အတွက် ထပ်မံဆုံးဖြတ်ချက် ချမှတ်ခဲ့ကြသည်။ ကျောင်,ထိုအရေး ပေါ်အစည်းအဝေး၏ ဆုံးဖြတ်ချက်အရကြောင့် ပအိုဝ်းအမျိုးသားနေ့ အထိမ်းအမှတ် ပွဲတော်အား ဒေသပေါင်းစုံ ပအိုဝ်းအမျိုးသားများအားလုံး စတင်စုပေါင်းကျင်းပလာရခြင်း ဖြစ်ပါသည်။

ပအိုဝ်းအမျိုးသားနေ့ပွဲတော် ရည်မှန်းချက်
၁) မျိုးချစ်စိတ်ဓာတ် ရှင်သန်ထက်မြက်ရေး
၂) အမျိုး ဘာသာ သာသနာကို ထိန်းသိမ်းစောင့်ရှောက်ရေး
၃) အမျိုးသားယဉ်ကျေးမှု မြှင်တင်ရေး
၎) ပအိုဝ်းတစ်မျိုးသားလုံး၏ အနာဂါတ်ပိုမို ဖွံ့ဖြိုးတိုးတက်ရေး
၅)ပအိုဝ်းတစ်မျိုးသားလုံးအတွက် ခိုင်မာသည့် အမျိုးသားစာပေ တမျိုးတည်းသာ ပြဌာန်းနိုင်ရေး စသည်တို့ ဖြစ်သည်။
မှတ်ချက်။ ။ ခွန်ဝိဇ္ဇာရေးသားထားသည့်မူးရင်းပအိုဝ်းဘာသာမှ ခွန်အောင်မြတ်မှ ကောက်နှုတ် ဘာသာပြန် ထားသည်။

ဆက်ဖတ်ရန်...

ပအိုဝ်းတိုင်းရင်းသားတို့၏ ရိုးရာ "ဆွမ်းစာဂ" အစီအစဉ်

ပအိုဝ်းတိုင်းရင်းသားဘာသာစကားဖြင့် "ဆွမ်းစာဂ" ဟုခေါ်ဆိုခြင်းအဓိပ္ပါယ်မှာ သံဃာတော်များနှင့် သက်ကြီး ရွယ်အိုများကို ကပ်လှူသောဆွမ်းဟု အဓိပ္ပါယ်ရပါသည်။ ၀ါတွင်းသုံးလအတွင်း ဥပုတ်ရက်များတွင် သက်ကြီးရွယ် အိုများသည် ရွာဦးရှိဘုန်းကြီးကျောင်းသို့ အလှူအဒါန်းပြု၊ တရားနာပြီး သီလဘာဝနာနှင့် ဥပုဒ်သီလစောင့် တည်ရန် ထိုဘုန်းကြီး၏ ဇရပ်၌ပင် အိပ်စက်ကြပါသည်။

နောက်တနေ့ နံနက်တွင် ဘုန်းကြီးကျောင်းတွင်အိပ်ပြီး ဥပုဒ်သီလစောင့်တည်သည့် အဖိုးအို အဖွားအိုများနှင့် ကျောင်းတွင်းရှိ ရဟန်းသံဃာများကို ဆွမ်းဟင်း ဆွမ်းထမင်းများကို ကျေးရွာအတွင်းရှိ အပျိုလူပျိုများကို ချက်ပြု၍ ကပ်လှူကြပါသည်။

ဥပုဒ်သီလရက်မတိုင်မီ သုံးလေးရက်အလိုတွင် နီးရာငါးရက်တစ်ကြိမ်ဈေးသို့ သွား၍ ပန်းများ၊ ဟင်းသီး ဟင်း ရွက်များ၊ လှူဖွယ်ပစ္စည်းများနှင့် ချက်ပြုစရာ တိုလီမိုလီများကို အပျိုလူပျိုများမှ တာဝန်ခွဲ၍ ၀ယ်ယူကြပါသည်။

လပြည့်လကွယ်နေ့များ၏ နံနက်ပိုင်းတွင် ဘုန်းကြီးကျောင်းတက်ကြ၍ ဘုန်းကြီးကျောင်းမှပြန်လာပြီးနောက်၊ ရွာတွင်းရှိ အပျိုလူပျိုများသည် ဆန်ဆေးခြင်း၊ ကြသွန်နွှာခြင်း၊ ငရုပ်သီးထောင်းခြင်း၊ ရေခပ်ခြင်းစသည့် ဆွမ်းချက်ရန် ပြင်ဆင်မှုများပြုလုပ်ကြပါသည်။

ညနေစောင်း နွားကျောင်းပြန်လာသည့်အချိန်သို့ရောက်သော် အပျို လူပျိုများသည် ဘုန်းကြီးကျောင်းသို့ တဖန်ပြန်သွားကား ကျောင်းထိုင်ဘုန်းကြီးကို နောက်နေ့အာရုဏ်ဆွမ်းစားရန်အတွက် ဖယောင်းတိုင်များ ပန်းစည်းများ ဆက်ကပ်၍ ပင့်ဖိတ်ရပါသည်။

ထို့နောက် ဥပုဒ်သည်အဖိုးအို၊ အဖွားအိုတို့ထံသို့ သွားပြီး တစ်ဦးခြင်းကို ဖယောင်းတိုင်နှင့် ပန်းစည်းများ ပေး၍ ပင့်ဖိတ်ရပြန်သည်။ ထိုသို့ ပင့်ဖိတ်ရာတွင်လည်း ရွာတွင်းလူပျိုခေါင်းဆောင်ဖြစ်သူမှ ပင့်ဖိတ်ခြင်းစကားလင်္ကာကို တိုင်ပြီး ကျန်သည့်အခြားသောအပျိုလူပျိုများမှ လိုက်ဆိုရသည်။ ပြီးလျင် မိမိတို့အိမ်သို့ ပြန်ကာ ထမင်းစား သောက်ပြီး "ဆွမ်းစာဂ" ချက်ပြုတ်မည့်အိမ်တွင် လာရောက်စုစည်းကြပါသည်။

မောင်ရီပျိုးစချိန်တွင် "ဆွမ်းစာဂ" ချက်ပြုတ်မည့် လူပျိုများမှ အိုးစည်ဗမောင်းတီးပြီး အချက်ပေးပါသည်။ ဗုံ မောင်းသံကြားလျင် အပျိုများသည် ရောင်စုံချယ်သထားသောချစ်စရာမျက်နှာများနှင့် ထမင်းအိုး ဟင်းအိုးများ ကိုယ်စီဖြင့် ရောက်လာကြပါသည်။ ည (၈) နာရီခန့်တွင် အိုးစည်ဗုံမောင်းတီးပြီး ပျော်ရွှင်စွာထမင်းဟင်းများကို ချက်ပြုတ်ကြသည်။

(၁၀) နာရီခန့်သို့ရောက်သော် ပအိုဝ်းလို "ငေါဝ်းကဲ" ဟုခေါ်သော ပအိုဝ်းရိုးရာစကားထာကို အပျိုနှင့် လူပျို များကို သူနိုင် ကိုယ်နိုင် အသံဆွဲပြီး အပြန်အလှန်ဆိုကြသည်။ ဤသို့စကားထာဆိုရာတွင် အလွတ်တန်း ကဗျာ ဖြင့်ဖြစ်စေ၊ ကာရန်ကဗျာဖြင့်ဖြစ်စေ၊ ဂရုသံ လဟုသံ အသံအနှိမ့်အမြင့် ပုံစံအမျိုးဖြင့် ဆိုကြသည်။

မိုးလင်းချိန်ရောက်သော် ထမင်းတောင်း၊ ဟင်းတောင်းများကို ယူပြီး ဘုန်းကြီးကျောင်းသို့သွားကာ ဘုန်းကြီးကို ဆွမ်းကပ်သူက ဆွမ်းကပ်၊ ဥပုဒ်သည် အဖိုးအဖွားများကို ကျွေးမွေးသူက ကျွေးမွေးနှင့် အလွန်ပျော်စရာ ကောင်း ပါသည်။

ဤသို့ဖြင့် လပြည့် လကွယ်ဥပုဒ်နေ့များ၏ အလှူဒါနလုပ်ငန်းများ ပျော်ရွှင်စွာပြုလုပ်ကြသည်။ ၀ါတွင်းသို့ ရောက် လျှင် လပြည့်လကွယ် ဥပုဒ်နေ့များ၌ ဤကဲ့သို့ကောင်းမှုကုသိုလ်ပြုလုပ်သော ပအိုဝ်းတိုင်းရင်းသားတို့၏ ပျော်စ ရာ ရိုးရာ "ဆွမ်းစာဂ" အစီအစဉ်များနှင့် ပအိုဝ်းရိုးရာ အိုးစည်ဗုံမောင်းသံများကို လွမ်းဆွတ်သတိရမိတော့သည်။

ဆက်ဖတ်ရန်...

ပအိုဝ်းရိုးရာသီတင်းကျွတ်ပွဲတော်

ဗုဒ္ဓဘာသာကို ယုံကြည်ကိုးကွယ်ကြသည့် ပအိုဝ်းလူမျိုးတို့သည်၊ ၀ါဆိုလဆုတ် (၁) ရက်နေ့ညမှ သီတင်းကျွတ် လပြည့်ကျော် (၁) ရက်နေ့အထိကို ၀ါတွင်း (၃) လ ဟု သတ်မှတ်ထားပါသည်။ ၀ါတွင်း (၃) လအတွင်း ဂေါတမ မြတ်စွာဘုရားသည် သာဝတိံသာနတ်ပြည်တွင် သီတင်းသုံးနေထိုင်ပြီး၊ နတ်များကို ဗုဒ္ဓတရားဟောကြား ပေးတော်မူသော အချိန်လည်းဖြစ်သည်ဟု ယုံကြည်လက်ခံကြသည်။

သာဝတိံသာနတ်သားတို့အား တရားတော်များဟောကြားတော်မူပေးပြီးနောက်၊ သီတင်းကျွတ်လပြည့်နေ့၊ နံနက်အာရုဏ်မတက်မီအချိန်၌ မြတ်စွာဘုရားသည် သာဝတိံသာနတ်ပြည်မှ လူ့ပြည်သို့ ဆင်းတက်တော်မူ ခဲ့သည်။ ဗုဒ္ဓမြတ်စွာဘုရားသည် လောက (၃) ဘုံဖြစ်သော လူ့ဘုံ၊ နတ်ဘုံ နှင့် ငရဲဘုံအကြောင်းတို့အား လူသား များကို ဟောကြားဆုံးမတော်မူပြီး လူသားအားလုံးတို့၏ စက္ခုအာရုံကိုလည်း ဖွင့်ပေးသည်ဟု ပအိုဝ်းလူမျိုးမှ ယုံကြည်သက်ဝင်ကြသည်။

ထို့ကြောင့် ဗုဒ္ဓဘာသာကို အများစု ကိုးကွယ်ကြသည့် ပအိုဝ်းလူမျိုးများသည်၊ ဗုဒ္ဓမြတ်စွာဘုရား လူ့လောကသို့ မဆင်းတက်မီ သီတင်းကျွတ်လပြည့်နေ့မတိုင်မီ အဖိတ်နေ့တွင်၊ ရွာအလည်နှင့် မိမိတို့အိမ်ရှေ့ ၀ါရံတာတို့၌ ပအိုဝ်းလို "တောင်ပွတ်" ခေါ် ဘုရားစင်များ တည်ဆောက်ပြီး၊ လယ်ယာ ခြံထွက် သစ်သီး ၀လံ သစ်နှံများ ပန်းမျိုးစုံများတို့ကို ချိတ်ဆွဲပူဇော်ကြသည်။ ယင်းဘုရားစင်ကို ပအိုဝ်းအခေါ်အားဖြင့် "တောင်ပွတ်" ဟုခေါ်သည်။ သီတင်းကျွတ်လပြည့်နေ့ နံနက် အာရုဏ်မတက်ခင်တွင် ဆီမီး၊ ဖယောင်းတိုင်၊ အမွေးတိုင်းတို့ကို ထွန်းညှိပြီး ဆွမ်းတော်များပါ ဆက်ကပ်လှူဒါန်းတော်မူကြသည်။

အကြောင်းမှာ မြတ်စွာဘုရား ဆင်းတက်တော်မူသော အချိန်ကို ရည်စူးပြီးဆက်ကပ်လှူဒါန်းခြင်းဖြစ်ပါသည်။ ဤကဲ့သို့ ပူဇော်ဆက်ကပ်သည့်အကျိုးတို့ကြောင်း တနှစ်တာလုံးအတွက် အစားဆင်းရဲခြင်း၊ အနေဆင်းရဲခြင်း၊ အ၀တ်ဆင်းရဲခြင်းမှ လွတ်ကင်းပြီး ပျော်ရွှင်ချမ်းမြေ့သည့် ဘ၀သို့ ရောက်ရှိစေနိုင်ကြောင်းကို ယုံကြည်ကြသည်။

အချို့သောကျေးရွာများတွင် ၀င်္ကဘာများ ဆောက်လုပ်ကြပြီး ၀င်္ကဘာအလယ်ဗဟိုတွင် ဘုရားစေတီပုထိုးများ၊ ဘုရားစင်များ တည်ထား၍ ဆွမ်းတော်၊ ရေချမ်း၊ ပန်း၊ ဆီမီးများ စသည်တို့ကို ကပ်လှူပူဇော ထွန်းညှိရန် အဆင့်ဆင့် လှည့်ပတ်ဝင်ရပါသည်။

ဝါတွင်း (၃) လပတ်လုံး ဥပုဒ်နေ့များတွင် ဘုန်းကြီးကျောင်း၌ ဥပုဒ်စောင့်တည်ကြသော သက်ကြီးရွယ်အို များသည် သီလအောင်ပွဲ အထိမ်းအမှတ်အဖြင့် တတ်နိုင်သလောက် အလှူငွေများထည့်ဝင်ကာ ပဒေသာပင် များကို ပြုလုပ်ကြပြီး နေ့လည်ပိုင်းတွင် ရွာတွင်းရှိလူငယ် လူရွယ်များကို အဆိုပါ ပဒေသာပင်များကို စီတန်းလှည့် လည်ကြပါသည်။ ပဒေသာပင်များကို ထမ်းပြီး ဘုန်းကြီးကျောင်း လက်ယာရစ်၍ သုံးပတ် ပတ်ပါသည်။ သုံးပတ် ပတ်ပြီးသောအခါ လှူဖွယ်ပစ္စည်များကို အတူတကွရေစက်ချ တရားနာကြပါသည်။

ထို့ပြင် လူငယ်မောင်မယ်များသည် ညနေပိုင်းတွင် မိဘဆွေမျိုးများနှင့် သက်ကြီးရွယ်အို အဘိုးအဘွားများကို မုန့်များ လှူဖွယ်ပစ္စည်းများဖြင့် သွားရောက်လှူဒါန်း ကန်တော့ကြပါသည်။ အဘိုးအဘွားများကို လှူဒါန်းကန် တော့ကြပြီးနောက် ညစာစားသုံးပြီး အပျိုများက မီးပုံးကိုယ်စီ ထွန်းညှိကာ ရွာအလည်တွင် လာရောက်စုကြပါသည်။ လူပျိုများကလည်း ပအိုဝ်းရိုးရာအိုးစည်ဗုံမောင်းများကို ပြင်ဆင်ပြီး ပျော်ရွှင်စွာ တီးမှုတ် ကခုန်ကြပါ သည်။

မီးပုံးရွာလှည့်ရန်အတွက် ပြင်ဆင်မှုပြုလုပ်ရာတွင် ရွာတွင်းအပိုင်းလိုက် ခွဲ၍ တာဝန်ခွဲယူလုပ်ကိုင်ကြသည်။ အချို့က ထမ်းစင်များပြုလုပ်ပြီး မီးပုံးကို အလှဆင်ကြသည်။ တချို့က ၀ါးတန်းရှည်ကို လူများကိုင်နိုင်ရန်အတွက် လက်ကိုင်ဝါးတန်းများကို တပ်ဆင်ပြီး ၀ါးတန်းရှည်ပေါ်တွင် မီးပုံးများကို ချိတ်ဆွဲကာ အလှဆင်ကြပါသည်။ တချို့ကမူ မီးပုံးများကို အုပ်ထဲတွင်ထည့်ကာ ဦးခေါင်းပေါ်တွင် ရွက်နိုင်ရန် ပြင်ဆင်မှုများပြုလုပ်ကြပါသည်။

မီးပုံးများလှည့်လည်သည့်အခါ ရွာလည်မှ စ၍ ဘုန်းကြီးကျောင်းသို့ ဗိုမောင်းများ တီးခတ်၍ ကခုန်ပြီး ပအိုဝ်းရိုးရာ စကားထာများဖြင့် လူငယ်ခေါင်းဆောင်တစ်ယောက်ယောက်မှ တိုင်ပြီး ကျန်သည့်လူများ လိုက်ဆို၍ မြူးထူးစွာ လှည့်ပတ်ကြသည်။

မီးပုံများလှည့်ရာတွင် အဖိတ်နေ့ည၊ လပြည့်ညနှင့် လပြည့်ကျော်တစ်ရက်နေ့ည စသဖြင့် စုစုပေါင်း သုံးည လှည့် ပတ်ပါသည်။ ဤသို့ဖြင့် ကျွနိုပ်တို့ ပအိုဝ်းရိုးရာသီတင်းကျွတ်ပွဲတော်ကို ကျင်းပကြသည်ဖြစ်ရာ အဝေးတနေရာမှ သီတင်း ကျွတ်ပွဲတော်နှင့် မီးပုံလှည့်ပွဲမှ ပအိုဝ်းရိုးရာဗိုမောင်း၊ ပအိုဝ်းရိုးရာစကားထာနှင့် ပအိုဝ်းရိုးရာ "ငေါဝ်း ရျော့" သံများ ကို ပြန်လည်ကြားရောင်ပြီး လွမ်းဆွတ်တမ်းတ သတိရမိပါတော့သည်။

ဆက်ဖတ်ရန်...

ပအိုဝ်းအမျိုးသား သနပ်ဖက်လုပ်ငန်း

သနပ်ဖက်သည် မြန်မာနိုင်ငံတစ်ဝှမ်းတွင် သောက်သုံးနေကြသည့် ဆေးပေါ့လိပ်၏ လိပ်ထားသည့် သစ်ရွက် ဖြစ်သည်။ သနပ်ဖက်ကို လွန်ခဲ့သော နှစ်ပေါင်း ၁၀၀ ကျော်က မြန်မာနိုင်ငံ ကိုလိုနီလက်အောက်ကျရောက်သည့် အချိန်တွင် စတင်လုပ်ကိုင်လာသည်ဟု ယူဆရသည်။ ၎င်းကို ရှမ်းပြည်တောင်ပိုင်း နမ်းစန်၊ ပင်လုံ၊ လွယ်လွိုင်၊ ဟိုပုံး၊ တောင်ကြီး၊ ရပ်ဆောက် စသည့် မြို.နယ်များတွင် ထွက်ရှိသည်။ သနပ်ဖက်ကို ပအိုဝ်းတိုင်းရင်းသား အများစုက စိုက်ပျိုးလုပ်ကိုင်ကြသည်။

သနပ်ဖက်ထုတ်လုပ်သည့် လုပ်ငန်းသည် တဆယ့်နှစ်ရာသီလုံးလုံး လုပ်ရပါသည်။ ထိုလုပ်ငန်းကို လုပ်ကိုင်သည့် မိသားစု တစ်စုသည် အနည်းဆုံး လူသုံးဦး၏ လုပ်အားကို လိုအပ်ပါသည်။ နိုဝင်ဘာလမှ ဇန္န၀ါရီလ ကာလတွင် သနပ်ဖက်ခြံ လုပ်သားများသည် သနပ်ဖက်ပင်ကြား ပေါင်းပင်များကို ပေါက်ပြားဖြင့် ပေါက်ရပါသည်။ ထိုကာလ တွင် ဆီးနှင်းများ ကျသည့်အချိန်ဖြစ်၍ မြေကြီးမမာသဖြင့် ခြံပေါက်ရာတွင် လွယ်ကူသည်။ တချိန်တည်းတွင် သနပ်ဖက်ရွက် ပေါင်းရန်အတွက် လိုအပ်သည့် လောင်စာထင်းများ ကိုလည်း တစ်နှစ်စာ ခုတ်ဖြတ် သိုလှောင် ထားကြရသည်။ ဖေဖော်ဝါရီလတွင် တော၌ပုံထားသော ထင်းများကို အိမ်သို. လူအား လှည်းအားများဖြင့် သယ်ကြ ရသည်။
မတ်လမှ မေလ ကာလတွင် သနပ်ဖက်ပင်ကို ခုတ်ပြီး ကိုင်းပင်များ ပြန်ပေါက်လာသည့် ကာလဖြစ်သည်။ ဒေ သ၏ ရာသီဥတုပေါ်မူတည်ပြီး သနပ်ဖက်ပင်ကို မတ်လနှင့် ဧပြီလတွင် သနပ်ဖက် အပင်ဟောင်း၏ ပင်စည်ကို မြေကြီးမှ အထက် တစ်ပေကြားတွင် ခုတ်ဖြတ်ရသည်။ ခုတ်ဖြတ်ပြီး ကျန်ရှိသော ငုတ်တိုများမှ ထွက်လာမည့် ကိုင်းပင်များကို ပိုးအန္တရယ်မှ ကာကွယ်နိုင်ရန် တချို့က ပိုးသတ်ဆေးရည်ဖျော်ပြီး အ၀တ်စဖြင့် ထိုငုတ်တိုများကို လိုက်သုတ်ထားကြသည်။ တချိန်တည်းတွင် ကိုင်းပင်များ ပေါက်အားသန်အောင် အပင်ကြားကို ပေါက်ပြားဖြင့် တဖန်ပြန်ပေါက်ပေးရသည်။

ဧပြီလတွင် အပင်ငုတ်တိုမှ အသစ်ပြန်ပေါက်လာသော တပေခန်. အရွက်ကိုင်းပင်များကို အားကောင်းမည့် တစ် ပင်ကို ရွေးချယ်ချန်ထားပြီး ကျန်သည့် အပင်များအားလုံးကို နုတ်ထုတ်ပေးရသည်။ ထိုအချိန်မှ စပြီး သနပ်ဖက် ရွက်ခူးပြီးသည့်အထိ တစ်ပတ်တစ်ကြိမ် ပုံမှန် ပိုးသတ်ဆေးဖြန့်ပေးရသည်။ မေလတွင် ငုတ်တိုမှ ချန်ထားသော အပင်သည် နှစ်ပေ သုံးပေခန့်ရှိလာသောအခါ ၎င်း၏ ရွက်ကြားမှ ပေါက်လာသော အကိုင်းများကို နှုတ်ထုတ် ပေးရသည်။ မနုတ်ထုတ်ပါက အရွက်သေးစေသည့်အပြင် အပင်၏ ကြီးထွားမြင့်မားသန်စေသည့်အားကိုလည်း နည်းစေသည်။

ဇွန်လမှ စက်တင်ဘာလကာလတွင် သနပ်ဖက်ရွက်များကို ခူးပြီး ပေါင်းရသည့်ကာလဖြစ်သည်။ သနပ်ဖက် ပေါင်း/လျော်သည့်ကာလသည် သနပ်ဖက်ပင်ကြား၌ ပေါက်လာသည့် ပေါင်းပင်များကိုလည်း နှစ်ကြိမ်သုံးကြိမ် ဓါးရှည်ဖြင့် ရှင်းပေးရသည်။ သနပ်ဖက်ပင်တစ်ပင်ကို ပျမ်းမျှအားဖြင့် လေးကြိမ်ခူးရပါသည်။ အပင်တစ်ပင်ကို တစ်ကြိမ်ခူးပါက ခြောက်ရွက်ဝန်းကျင်ခူးရပါသည်။ ခြံမှ ခြင်းတောင်းဖြင့် သယ်ယူလာသော သနပ်ဖက်ရွက်များ ကို ဓါးဖြင့် သနပ်ဖက်ရွက်၏ အညာနှင့် အကြောများကို ဖယ်ထုတ်ပေးရသည်။ တရွက်စီဖယ်ထုတ် သည့်အ ချိန်တွင် သုံးမျိုးသုံးစားဖြင့် တစ်ခါတည်း ခွဲထားကြသည်။ အရွက်သေး အရွက်ကြီး ပိုးစား၍ ပေါက်သည့်အရွက် စသည်ဖြင့် ခွဲထားကြသည်။ ၎င်းအညာအကြောများ ဖယ်ထားပြီးသောအရွက်များကို ဖိုမှ သပ်ဆင်ထားသော ဒယ်အိုးပြားကြီးများပေါ်တွင် ခရုပတ်ပုံစံဖြင့် စီထဲ့ပြီး သဲအိပ်အ၀ိုင်းဖြင့် ဖိထား၍ ပေါင်းထားရသည်။ ပေါင်းထားပြီး ဖက်ခြောက်များကို ခြင်းတောင်းထဲ့ တဖန် ခရုပတ်ပုံစံ ပြန်ထဲ့ရသည်။ ၎င်းကို မြို.ပေါ်ရှိ သနပ်ဖက်ပွဲရုံသို့ တင်သွင်းကြသည်။ တချို့ပွဲစားများက ရွာထိလိုက်ဝယ်ကြသည်လည်း ရှိသည်။

သနပ်ဖက်စိုက်ပျိုးလုပ်ကိုင်မှုကို အန္တရယ်ပေးသော အရာသည် မိုးသီးများ၊ လေမုန်တိုင်းများ၊ ပိုးမွှားများဖြစ်သည်။ ထိုကြောင့် သနပ်ဖက်တောင်သူများသည် ရာသီဥတု အခြေအနေကို ခန်းမှန်းရန်အတွက် တောတွင်းရှိ သစ်ပင် ပန်းပင် အမျိုးမျိုးကို ကြည့်ပြီး ခန်းမှန်းကြသည်။ တိမ်ညိုများဖြင့် မိုးအုံလာပါက မိုးသီးများပါလာတတ်သည်ဟု ယုံကြည်ကြပြီး ထိုအခြေအနေမျိုးကို ကြုံတွေ့ပါက မိုးမရွာခင်အချိန်တွင် တူမီးသေနတ်ကို မိုးပေါ်ထောင်ပြီး ပစ်ဖောက်ကြသည်။ ၎င်းလုပ်ရပ်သည် မိုးသီးအန္တရယ်ကျရောက်မလာအောင် ကာကွယ်သည့် သဘောဖြစ်သည်။ မိုးရွာချိန်မိုးသီးကျချိန်တွင် သေနတ်ပစ်ဖောက်မှု မပြုလုပ်တော့ပါ။ အကယ်၍ ပစ်ဖောက်ပါက မိုးသီးကို ကြိုဆိုသည့် သဘောဖြစ်သွားပြီး မိုးသီးများ ပိုမိုရွာချသည်ဟု ယူဆကြသည်။ လေတိုက်မှုအား ပြင်းထန်ပါက သနပ်ဖက်ရွက်များကို ပျက်စီးစေသည်။ တောင်စောင်းဒေသရှိ သနပ်ဖက်ခြံများတွင် လေန္တရယ်ကို ကာကွယ်နိုင် ရန်အတွက် အသစ်ပင်ကြီးများဖြင့် ခြံစည်းရိုးပေါ်တွင် စိုက်ထားကြသည်။

သနပ်ဖက်၏ အကျိုးဆက် သနပ်ဖက်ကုန်ကြမ်းမှ ထွက်လာသော ဆေးပေါ့လိပ်ကို သောက်သုံးသူတိုင်းသည် ကျန်းမာရေးကို ထိခိုက်စေသည်။ သို့သော်လည်း ဓါတ်တုပစ္စည်းဖြင့် ပြုလုပ်ထားသော စီးကရက်လောက် မပြင်း ပါ။

သနပ်ဖက်ကုန်ကြမ်းသည် ပြင်ပသို့ တင်ပို့မှုမရှိသဖြင့် ပြည်တွင်းသာ သုံးစွဲသောကြောင်း ပြည်တွင်းအလုပ် လက်မဲ့ပြသာနာကို များစွာဖြေရှင်းပေးသည်။ မြို.ပေါ်ရှိ ပွဲရုံများသို့ တင်သွင်းသော သနပ်ဖက်များသည် ဆေးပေါလိပ် လိပ်ရန်အတွက် အရွယ်နှင့် အမျိုးအစားကို ပြန်ခွဲပေးရသည်။ ၎င်းသည် လက်မှုလုပ်ငန်းဖြစ်သဖြင့် လိုအပ်သောလုပ်အားများကို မြို့ပေါ်ရှိ အမျိုးသမီးအများစုက ၀င်ရောက်လုပ်ကိုင်ကြသည်။ ပြည်မသို. တင်ပို.ရန် အတွက် သနပ်ဖက်ထဲ့ရန် လိုအပ်သော ခြင်းတောင်းများ၊ ၀ါးခြမ်းများ၊ ကုန်တင်ကုန်ချ လုပ်အားများကို မြို.ပေါ် ယောင်္ကျားအများစုက ၀င်လုပ်ကြသည်။ ထို့အပြင် မြင်းခြံ၊ ပဲခူးသို့ ရောက်ရှိနေသော သနပ်ဖက်ကုန်ကြမ်းများကို ဆေးလိပ်အဖြစ်သို့ လိပ်ရန်အတွင် တစ်ရွက်ခြင်း ဖြတ်ညပ်ရခြင်း၊ လိပ်ရခြင်း စသည်ဖြင့် လိုအပ်သည့် လုပ်အားများကို အလုပ်သမားအများအပြားခေါ်ယူရပါသည်။

ဤသနပ်ဖက်ဆေးပေါ့လိပ်လုပ်ငန်းကြောင့် အညာဒေသတွင် စိုက်ပျိုးလုပ်ကိုင်နေကြသော ဆေးရွက်ကြီးလုပ် ငန်းလည်း ၎င်းတို့ကုန်ကြမ်းများကို ဆေးလိပ်ခုံသို့ တင်ပို့ကြသည်။ နှစ်ပေါင်းများစွာ သနပ်ဖက်လုပ်ငန်းကို အရောင်းအ၀ယ် ပြုလုပ်နေသော ပွဲစားများ၏ အဆိုအရ လူတစ်ယောက်က သနပ်ဖက်စိုက်ပျိုးရေးလုပ်ငန်းကို လုပ်ကိုင်ရင် ပြည်မရှိ အလုပ်လက်မဲ့ပြသာနာ သုံးယောက်ကို ဖြေရှင်းပေးနိုင်သည်ဟု ဆိုသည်။ ဖက်ကြမ်းဆေး ပေါ့လိပ်ထက် ကျန်းမာရေးကို ပိုထိခိုက်စေ သည့် စီးကရက်လုပ်ငန်းသည် စက်ဖြင့်ထုတ်လုပ်သောကြောင့် လူ့လုပ်အားနည်းနည်းသာ လိုအပ်သဖြင့် ထွက်လာသည့် အကျိုးအမြတ်သည် ကုမ္ပဏီပိုင်ရှင်သာ ခံစားရသည်။ သနပ်ဖက်ဆေးပေါ့လိပ်လုပ်ငန်းသည် လက်မှုလုပ်ငန်းဖြစ်သဖြင့် ၎င်းမှ ထွက်လာသည့်အကျိုးအမြတ်သည် များစွာသော အလုပ်သမားများကို ပါခွဲဝေ ခံစားစေကို တွေ.ရသည်။

မှတ်ချက်။ ။ ဤဆောင်းပါးအား ဗွာသရား မှ ပြန်လည်ကူးယူ ဖေါ်ပြခြင်းဖြစ်သည်။

ဆက်ဖတ်ရန်...

ပအိုဝ်းရိုးရာ မောင်းကြီးဆိုင်းအက

ကိုအောင်ကျော်။ ။ မင်္ဂလာပါ။ အပတ်စဉ်တင်ဆက်နေကျ တိုင်းရင်းသားရိုးရာ ယဉ်ကျေးမှု အစီအစဉ်မှာ ဒီအပတ် တင်ဆက်ပေးမှာကတော့ ပအိုဝ်းလူမျိုးရဲ့ ရိုးရာအတီးအကထဲမှာ မပါမဖြစ် ပါတဲ့ မောင်းမွူးချုန် ဆိုတဲ့ မောင်းကြီးဆိုင်းအက အကြောင်းပဲ ဖြစ်ပါတယ်။ ပွဲလမ်းသဘင်ရှိတဲ့အခါမှာ မောင်းကြီးဆိုင်းဟာ ရှေ့ကနေ ဦးဆောင်ပြီး တီးကြ ရပါတယ်။ ဒီအကြောင်းကို ကျနော်အောင်ကျော်နဲ့ မစံပယ်က တင်ဆက်သွားပါမယ်။
ကိုအောင်ကျော်။ ။ မောင်ကြီးဆိုင်းကို တီးတာရော ကပြတဲ့အခါမှာ ဘ၀မှာ အတော် အတန်ရင့်ကျက်တည်ငြိမ်ကြတဲ့ အသက် လေးဆယ်ကျော် ငါးဆယ်ဝန်းကျင် အရွယ် အမျိုးသားတွေက တီးကမှပဲ လိုက်ဖက်တာပါ။

မစံပယ်။ ။ ဟုတ်ပါတယ် ပအိုဝ်းရိုးရာ မောင်ကြီးဆိုင်းဟာ အေးချမ်းသာယာ ခြင်းနဲ့ တည်ငြိမ်ခြင်း သန္တရသကို ဖော်ကျူးတဲ့ ဂီတသံစဉ်ဖြစ်ပါတယ်။ တီးခတ်တဲ့အခါမှာ လည်း တခြားရိုးရာ မောင်းဆိုင်းတွေလို မြန်မြန်တီးလို့ မရပါဘူး။ အချိန်ယူပြီး လေးလေးပင်ပင် တည်ငြိမ်မှုနဲ့ ဖြည်းဖြည်းညင်ညင်သာသာ တီးခတ်ရပါတယ်။

ကိုအောင်ကျော်။ ။ မောင်းကြီးဆိုင်းကို တီးခတ်တဲ့အခါမှာ လူ ၁၀ ယောက်လောက် လိုပါတယ်။ မောင်းကြီးဆိုင်းမှာ ပါဝင်တဲ့ တူရိယာတွေကတော့ အကြီးဆုံးမောင်း အချင်း ၂ ပေ ၂ လက်မ မောင်းကနေ အငယ်ဆုံး ခြောက်လက်မ ရှိတဲ့ မောင်းအကြီး အလတ် အသေး ကြီးစဉ်ငယ်လိုက် မောင်း ၇ လုံးပါပါတယ်။ နောက်ပြီး လင်းကွင်းကြီးတလုံး၊ နှစ်ဖက်ပိတ်စည် တစ်လုံးနဲ့ စည်းတစုံ ဖြစ်ပါတယ်။ အဲလို တီးခတ်တဲ့နေရာမှာ လင်းကွင်းကြီး တီးခတ်သူက အဓိက ကျတယ်လို့ ရှေးမီနောက်မီ တဲ့ ဆရာတော် ဦးသီရိဓမ္မက မိန့်ကြားပါတယ်။

ဦးသီရိဓမ္မ။ ။ ဆရာတော် ပအိုဝ်းလိုမိန့်ကြားတာကတော့ လင်းကွင်းက အဲဒီနေရာမှာ အဓိက အချက်ဖြစ်တယ်။ လင်းကွင်းတီး တဲ့က ကျွမ်းကျွမ်းကျင်ကျင် တီးတတ်ရ မယ်။ မောင်းတွေကို လူတိုင်းတီးတတ်ပေမယ့် လင်းကွင်းကို မတီးတတ်ကြဘူး။ လင်းကွင်းတီး တဲ့သူက စည်းချက်မညီရင် မောင်းတွေ တီးတဲ့ အခါမှာလည်း တယောက်တသံစီ ထွက်ကုန်တယ်လို့မိန့်တာပါ့။ သူက မောင်းလတ်နဲ့ မတူဘူး။ မောင်းလတ်က ကြိုက်သလို တီးလို့ရတယ်။ အဲဒါက အဓိက ဗုံသမား။ မောင်းကြီးဆိုင်းမှာက လင်းကွင်းသမားက အဓိက အချက်ဖြစ်တယ်။ ဥပမာ ဘုန်းကြီးကျောင်းတက်တာဆိုရင် ကျောက်းလှေခါးရောက်တာနဲ့ ကွတ်တိအဲမှာ အပြီးရပ်ရတယ်။ တီးလို့မတတ်တဲ့သူတွေဆို ရှေ့ကို ကျော်သွားတာတို့ မရောက်ခင် ပြီးသွားတို့ ဖြစ်တာပေါ့။ အဓိက ပန်းတိုင်ကို မရောက် ဘူး ပစ်မှတ်ကို မမှန်ဘူး အဲလိုပေါ့။ အဲလိုဖြစ်ရင် သူများတွေ ရယ်စရာ ဖြစ်တာပေါ့။ ကျောင်းလှေကားရင်းအထိ တီးမယ်ဆိုတဲ့ အချက်နဲ့ချိန်တီးနိုင်ရမယ်။ လှေကားရင်းကနေ ကျောင်းထဲဝင်ခါနီးမှာ အဆုံးသတ်ရတယ်။ မောင်းကြီးဆိုင်းမှာက အဲဒီလင်းကွင်းသားက အဓိက ဖြစ်တယ်လို့ ဆရာ တော်က မိန့်ကြားပါတယ်။

မစံပယ်။ ။ ရိုးရာမောင်းဆိုင်းအကမှာ ပါဝင်ကပြသူတွေကတော့ အကကို သီးခြား လေ့ကျင့်သင်ယူတာတွေ မရှိပါဘူး။ မောင်းဆိုင်းရဲ့ စည်းဝါးချက်အတိုင်း ခေါင်း၊ ခြေ၊ လက်တွေကို လက်ကွက် ကဟန်နဲ့အညီ လူတိုင်း အလွယ်တကူ ဆင်နွဲကပြနိုင်ပါတယ်။ တချို့ သက်ကြီးပိုင်းတွေဆိုရင် ရိုးရာသိုင်းကွက်တွေနဲ့ ပုံဖော်ပြလေ့ရှိတယ်လို့ ဆရာတော် ဦးသီရိဓမ္မက မိန့်ကြားပါတယ်။

ဦးသီရိဓမ္မ။ ။ ဦးသီရိဓမ္မ ရှင်းပြတာကတော့ မောင်းကြီးဆိုင်းမှာတော့ ကတာ ဖြည်းဖြည်းညင်ညင်သာသာ ကတာ။ သက်ကြီးရွယ်အိုတွေဆိုတော ကတဲ့အခါမှာ ကကွက် တွေကို ဖြည်းဖြည်းမှန်မှန်ပဲ ကတယ်။ စကားထာဆိုတဲ့အခါမှာ ဖြည်းဖြည်းလေးပဲ။ ကတဲ့အခါ လက်မြောက်တာတို့ ကဟန် တွေလည်း အမြင့်ကိုပဲ ပင့်ပြီး ကတယ်။ သိုင်းအကဆိုလည်း ဗန်ရှည်ပေါ့ ၁၂ ကွက် အကပေါ့။ ဗန်တိုမဟုတ်ဘူး။ မောင်းကြီးနဲ့ကတော့ သိုင်းကွက်နဲ့ဆို ၄ ကွက်၊ ၈ ကွက်၊ ၁၂ ကွက် ၁၆ ကွက် အဲလို ဗန်ရှည်အကနဲ့ ကကြတာ။ လက်ဟန် ခြေဟန်လည်း ဖြည်းဖြည်းနဲ့ ပင့်ပြီး ကကြတာပေါ့။ အရင်တုန်းကတော့ အဲလိုပဲ ကကြတယ်။ လို့ ဆရာတော် ငယ်ငယ်တုန်းက မြင်ခဲ့ဖူးတဲ့ မောင်ကြီးဆိုင်းအကကို ရှင်းပြသွားတာပါ။

ကိုအောင်ကျော်။ ။ မောင်းကြီးဆိုင်းအကဟာ စည်းလုံးညီညွှတ်ခြင်း၊ ချစ်ကြည်ရင်းနှီးခြင်း တွေကို ရိုးရာအနုပညာရဲ့ ပရိယာယ် သဏ္ဍာန်တမျိုးနဲ့ ရယူနိုင်ကြတယ်လို့ ပအိုဝ်း လူမျိုးတွေက ယုံကြည်ကြပါတယ်။ နောက်ပြီး မောင်ကြီးဆိုင်းအကဟာ အသက်အရွယ်ရပြီး လူကြီးပိုင်းတွေက ကပြလေ့ရှိတဲ့ ရိုးရာအလှူ ပဒေသာပင်ကို ထမ်းပြီး ကပြရတဲ့ လူစုလူဝေး အကလည်း ဖြစ်ပါတယ်။ ရဲရင့်တည်ကြည်ခြင်း၊ ခန့်ညားခြင်း၊ ကျက်သရေ ရှိခြင်းတွေကို သရုပ်ဖော်ပါတယ်။

မစံပယ်။ ။ မောင်ကြီးဆိုင်းအကဟာ ပွဲလမ်းသဘင်ရှိတဲ့အခါတွေမှာ ရှေ့ဆောင် ပြီး တီးခတ်ကပြရတဲ့အတွက် ပအိုဝ်းလူတွေ အထွဋ်အမြတ်ထားတဲ့ ရိုးရာအက ဖြစ်ပါတယ်။

ဆရာတော် ဆက်မိန့်ကြားတာကတော့ မောင်းကြီး မောင်းဆိုင်းဆိုတာက တကယ့်တို့ ပအိုဝ်းထုံးစံ စစ်စစ်ဖြစ်တယ်။ တခြားကနေ လာတာမဟုတ်ဘူး။ ဆွမ်းတော်ကြီးလောင်းတာပဲ ဖြစ်ဖြစ်၊ ရှင်ပြုရဟန်းခံပွဲမှာပဲ ဖြစ်ဖြစ် မောင်းကြီးဆိုင်းသမားက ရှေ့က ဦးဆောင်ရကပြရတယ်။ မောင်းလတ်က ဒုတိယ၊ သက်ကြီးပိုင်းက ပထမပေါ့။ ကတဲ့နေရာမှာလည်း ၀ိုင်းပြီး အတူတူကကြတာ။ တီးခတ်တာလည်း ဖြည်းဖြည်းမှန်မှန်ပဲ ကတဲ့အခါမှာလည်း ဖြည်းဖြည်းမှန်မှန်ပဲ ကကြတယ် ဆရာတော်ကလို့ မိန့်ကြားတာပါ။

ကိုအောင်ကျော်။ ။ မောင်းကြီးဆိုင်းအကဟာ ရဟန်းခံရှင်ပြုပွဲ၊ ဥပုသ်စာဂပွဲ၊ သီတွင်းကျွတ်လ ဆီမီးပူဇော်ပွဲ၊ တန်ဆောင်တိုင် ကထိန်သင်္ကန်းကပ်လှူပွဲ၊ နှစ်သစ်ကူး အတာ တက်ပွဲ၊ ကဆုန်ညောင်ရေသွန်းပွဲ၊ ဘုရားထီးတင်ပွဲ ဗုဒ္ဓပူဇနိယပွဲတော်နဲ့ တပေါင်းလပြည့် ပအိုဝ်းအမျိုးသားနေ့ ပွဲတွေမှာ ကပြလေ့ရှိပါတယ်။

မစံပယ်။ ။ ဒီအကဟာ မြို့ကြီးတွေမှာ ရက်ကြီးခါကြီးရောက်တဲ့အခါမှ တီးခတ်က ကြပေမယ့် တောရွာတွေမှာတော့ နေရာအနှံ့တွေမှာ ဥပုသ်နေ့ရောက်တိုင်း မောင်းကြီးဆိုင်းသံဟာ ဒီနေ့အထိ ကြားနေရဆဲပါ။ သောတရှင်အပေါင်း ရွှင်လန်းချမ်းမြေ့ ကြပါစေ။

ဆက်ဖတ်ရန်...