၁၉၅၀ ခုနှစ်ကျော်ကတောင်ကြီးမြို့ပုံရိပ်များ

"အမေရိကန် Fulbright Scholar တစ်ဦးမှတ်တမ်းတင်ခဲ့တဲ့ ၁၉၅၀ ခုနှစ်ကျော်ကတောင်ကြီးမြို့ပုံရိပ်များ" ကို ၁၉၅၅-၁၉၅၆ ခုနှစ်ကတောင်ကြီးမြို့နဲ့ရှမ်းပြည်ဒေသအချို့ရဲ့လူနေမှုဘ၀၊ရိုးရာဓလေ့ထုံးစံများကို အမေရိကန်နိုင်ငံမှ Fulbright Scholar တစ်ဦးဖြစ်သူ Charles Shontz မှရုပ်သံမှတ်တမ်းတစ်ခုအနေဖြင့်ရိုက်ကူးခဲ့ပါတယ်။ Charles Shontz ဟာအမေရိကန်အစိုးရကချီးမြင့်တဲ့ J. William Fulbright ပညာရေးဖလှယ်မှုအစီအစဉ်နဲ့တောင်ကြီးမြို့မှာနေထိုင်ခဲ့ရပြီး အစိုးရအထက်တန်းကျောင်း (ယနေ့ အ.ထ.က ၁၊တောင်ကြီး) မှာဆရာအဖြင့်သင်ကြားရေးတာဝန်များထမ်းဆောင်ခဲ့ပါတယ်။

Charles Shontz ဟာသူ၏တောင်ကြီးမြို့တွင်နေထိုင်ခဲ့စဉ်ကာလမှာ တောင်ကြီးမြို့နဲ့အနီးအနားပတ်ဝန်းကျင်တွေဖြစ်တဲ့အင်းလေးကန်နဲ့ ရှမ်းပြည်မြောက်ပိုင်းတရုတ်ပြည်နယ်စပ်နမ့်ခမ်းမြို့နဲ့ရှမ်းရှေ့ကျိုင်းတုံမြို့တို့အထိခရီးလည့်လှည်ရင်းဒီရုပ်သံမှတ်တမ်းကိုရိုက်ကူးခဲ့ပါတယ်။ ရုပ်သံမှတ်တမ်းထဲကတောင်ကြီးရဲ့ ၅ရက်ဈေးနေ့ရှုခင်း၊ တန်ဆောင်တိုင်ပွဲတော်၊ အင်းလေးဖောင်တော်ဦးဘုရားပွဲပုံရိပ်တွေဟာနှစ်ပေါင်း ၆၀ နီးပါးကြာမြင့်ခဲ့ပြီဖြစ်ပေမယ့်လူတွေရဲ့ဝတ်စားဆင်ယဉ်ပုံအချို့ကလွဲရင်မပြောင်းမလဲရိုးရာမပျက်ရှိနေသေးတာကိုတွေ့ရပါလိမ့်မယ်။ ဈေးခင်းထဲမှာဈေးထိုင်ရောင်းနေကြတဲ့ပအိုဝ်းအမျိုးသမီးကြီးတွေနဲ့ ၅ရက်တစ်ဈေးဓလေ့မြင်ကွင်းတွေဟာယနေ့မြင်ကွင်းများနဲ့မပြောင်းမလဲတစ်ထပ်တည်းကျနေသေးတာတွေ့ရပါတယ်။ မှတ်တမ်းအတွင်းမှာနိုင်ငံတော်ဝန်ကြီးချုပ်ဦးနုရဲ့တောင်ကြီးမြို့သို့အလည်အပတ်ခရီးစဉ်၊ကမောဇကောလိပ်ရဲ့တောင်တက် Picnic ခရီး၊ ရှမ်းပြည်မြောက်ပိုင်းနမ့်ခမ်းမြို့ကနာမည်ကျော် Dr.Gordon Seagrave ရဲ့ဆေးရုံနဲ့သူနာပြုသင်တန်းကျောင်း၊ရှမ်းရှေ့ကျိုင်းတုံကရှမ်းစော်ဘွားကြီးမြို့အတွင်းလည့်လည်ပုံတွေနဲ့ဒေသခံတိုင်းရင်းသားများရဲ့ယဉ်ကျေးမှုပုံစံတွေကိုမှတ်တမ်းတင်ထားတာတွေ့ရပါတယ်။ ရှမ်းပြည်တခွင်တင်မက ရန်ကုန်၊ မန်းတလေးနဲ့ စစ်ကိုင်းမြို့ပတ်ဝန်းကျင်နေရာတစ်ချို့ကိုပါမှတ်တမ်းထဲမှာတွေ့ရပါတယ်။ Charles Shontz ရဲ့ဒီရှားပါးအဖိုးတန်လှတဲ့ရုပ်သံမှတ်တမ်းကိုအမေရိကမှနာမည်ကျော် Smithsonian Institution ရဲ့ Human Studies Film Archives မှာယနေ့အထိမှတ်တမ်းအဖြစ်ထိန်းသိမ်းပေးထားပါတယ်။ စိတ်ဝင်စားသူများကြည့်ရှုလေ့လာနိုင်ဖို့ရုပ်သံမှတ်တမ်းတစ်ခုလုံးကို Youtube ပေါ်တင်ပေးလိုက်ပါတယ်။ ၁ နာရီကျော်ကြာမြင့်တဲ့ရုပ်သံကိုအင်တာနက်လိုင်းကောင်းတဲ့အရပ်ကသူတွေအတွက် click တစ်ချက်နှိပ်တာနဲ့အဆင်ပြေစွာကြည့်ရှုနိုင်ပေမယ့်..မြန်မာပြည်နေရာတော်တော်များများကသူတွေအတွက်တော့ကြည့်ရှုဖို့အဆင်ပြေမယ်မထင်ပါဘူး။ ဒါကြောင့်အချိန်ရရင်ရသလို အခန်းတိုလေးများဖြတ်ပြီးဖိုင်ဆိုက်ဒ်အသေးဆုံးနဲ့တင်ပေးနိုင်အောင်ကြိုးစားကြည့်ပါ့မယ်။ ဖိုင်ဆိုဒ်ချုံ့လိုက်ရတဲ့အတွက်ရုပ်ထွက်အရည်အသွေးကတော့သိပ်ကောင်းတော့မယ်မထင်ပါဘူး။ ယခုပထမပိုင်းအမြည်းအနေနဲ့ လွန်ခဲ့တဲ့နှစ်ပေါင်း ၆၀ နီးပါးကတောင်ကြီးဈေးနေ့မြင်ကွင်းတစ်ချို့နဲ့စလိုက်ရအောင်။ ရုပ်သံမှတ်တမ်းတစ်ခုလုံးအတွက်ကတော့ အောက်ပါလင့်ခ်မှာဝင်ကြည့်ပါ။ From Facebook

ဆက်ဖတ်ရန်...